美國銀行中心 (香港)
美國銀行中心（Bank of America Tower，減筆叫美銀中心）係香港金鐘夏慤道12號一幢甲級寫字樓大廈。
美國銀行中心亦係香港大型旅遊活動「幻彩詠香江」喺參與建築物之一。
史
[編輯]呢棟樓由金門建築起，1975年起好，當初叫做「金門大廈」，1978年12月由置地以7.17億港紙購入[1]，1980年1月再由佳寧集團旗下公司以9.98億港紙購入[2]。同年7月，市場流傳有美國財團有意用15.5億港紙向佳寧集團購入金門大廈[3]，不過最終同年10月由林炳炎個仔林秀峰持有嘅「百寧順」用16.8億港紙購入，而呢單交易喺佳寧集團清盤後被發現根本未有成事。另外，美國銀行喺1980年12月用6.349億港紙購入金門大廈其中15層做香港區總部，同時購入命名權，命名為「美國銀行大廈」[4]
訛傳
[編輯]- 唔少資料寫話1983年佳寧集團清盤之後美國銀行先至買入大廈樓層同命名權，但實際上交易早喺1980年12月完成，而《華僑日報》出版嘅《香港年鑑》1981年5月版本，亦已有記載「美國銀行中心」個名。
- 唔少資料寫話大廈曾經叫「佳寧中心」，亦唔係事實。當時嘅「佳寧中心」實際係喺灣仔告士打道151號，今時今日叫「資本中心」。