美麗傳承

美麗傳承（英文：Beauty Generation），係一隻香港賽馬馬匹，2012年喺澳洲出世，係「搖滾之路」嘅子嗣，嚟香港之前曾經喺澳洲服役，2016-2017馬季到2020-2021馬季喺香港服役，在港服役期間贏得18場頭馬，當中16場係國際分級賽，係郭少明家族「美麗」系賽駒當中，成就最高嘅一匹，同締造美麗、美麗大師睇齊，同時亦係香港賽馬史上頭一匹累積獎金突破1億港幣大關嘅賽駒、首匹一季八捷馬。

2020年尾，隨住「金鎗六十」嘅崛起，「美麗傳承」正式退役，之後喺維省Living Legends牧場頤養天年，過住退休生活。