美麗其格

美麗其格（粵拼：mei5 lai6 kei4 gaak3；簡化字：美丽其格；1928年—2014年 1月16號），係中國大陸音樂家、詩人、內蒙古科爾沁右翼前旗人。

生平

美麗其格1928年喺興安盟莫根廟嘅一個軍人家庭出世。佢17歲上興安陸軍軍官學校，冇耐就被編入內蒙古騎兵第一師。

美麗其格嘅代表作有佢喺1950年寫嘅詩歌《舉杯祝福毛主席》同創作喺1952年寫嘅著名歌曲《草原上升起不落的太陽》。後者仲攞到全國群眾歌曲評選一等獎、《建國四十年來喚起我美好回憶的那些歌》優秀作品獎。^[1]

另外佢仲寫咗《草原烽火》、《達那巴拉》、《雪中之花》、《莉瑪》、《多松年》、《滿都海斯琴》、《雙鶴山》等10幾部蒙古話歌劇。其中，《達那巴拉》攞到自治區薩日納藝術獎歌劇音樂三等獎，《滿都海斯琴》攞到中國藝術節大獎、文華獎音樂創作獎、「五個一工程」獎。

美麗其格好鍾情蒙古族嘅潮爾樂器，佢推動咗潮爾培訓班成立^[2]。