習包子事件
習包子事件[1]，係2013年12月28號，中共中央總書記習近平到北京月壇北街慶豐包子舖食包嘅事件。呢次事件畀習近平嘅團隊安排由媒體傳播，再由中國官媒轉載，從而引發咗社會嘅關注[2]。
2013年12月28號上晝六點，北京月壇慶豐包子舖門口輔路嘅停車收費員易昌榮接到交管部門嘅電話，被告知中午需要保留幾個停車位[1][3]。中午12點15分，易昌榮被明確通知呢個人係個領導，要求佢睇住個車位[1]。嗰日上晝，習近平先後喺京橋熱電有限公司同海澱區四季青敬老院視察，之後去咗月壇[4]。
中午12點20分，習近平喺中共中央辦公廳副主任、總書記辦公室主任丁薛祥嘅陪伴下，著住深色風褸同西裝，入面著住一件黑冷衫，走入慶豐包子舖，同普通群眾一齊排隊、點餐、畀錢、食飯，受到驚喜嘅群眾熱烈歡迎。習近平點咗六個（二兩）豬肉大蔥餡嘅包、一碗炒肝、一份芥菜，一共用咗人民幣廿一蚊[5]。點餐之後，習近平自己攞餐盤搵到空位坐低，又同周圍群眾解釋話：「今日我哋去外地調研晏咗，所以順便嚟呢道食中午飯。」食飯嘅廿分鐘期間，習近平不斷同旁邊嘅店員同顧客傾計，邊食邊笑住講：「包好好食，衛生都非常乾淨，一定要重視食品安全。」又同周圍群眾握手、合照[1]。習近平將所有菜都食完之後坐麵包車走人，臨走前微笑住向店入面嘅群眾揮手。成個過程冇交通管制[1]。
雖然食包事件體現咗習近平啱啱上台嗰陣嘅親民形像，不過亦有新聞媒體報道，呢件事係經過精心策劃嘅表演。例如包子鋪門口嘅停車收費員早就畀人通知中午要保留停車位[6]。
睇埋
[編輯]參考
[編輯]- ↑ 1.0 1.1 1.2 1.3 1.4 〈媒體回顧習近平食包子事件喺社交傳播過程〉。《東南快報》。2014年1月4號。原先內容歸檔喺2014年1月7號。喺2014年1月7號搵到 –透過大公網。
- ↑ 中時電子報 (2015年10月19號)。〈衛生不佳 慶豐包子分店停業〉。《中時電子報》 (中國中文)。原先內容歸檔喺2015-10-23。喺2018-10-21搵到。
- ↑ 〈習近平食包子 交警先留車位〉。世界新聞網。2014年1月4號。原著喺2014-01-07歸檔。
- ↑ 〈習近平元旦前夕喺北京市探望一線職工同老年群眾〉。《新華網》。2013-12-28。喺2020-12-19搵到。
- ↑ 駐北京特派記者 安勇炫 (2014年1月7號)。〈習近平用餐包子舖變咗中國上訪人嘅"聖地"〉。朝鮮日報。原先內容歸檔喺2014年1月8號。喺2014年1月7號搵到。
- ↑ 〈媒體回顧習近平食包子事件喺社交傳播過程〉。《東南快報》。2014年1月4號。原先內容歸檔喺2014年1月7號。喺2019年2月25號搵到 –透過大公網。