習近平新時代中國特色社會主義思想
(由習近平思想跳轉過嚟)
習近平新時代中國特色社會主義思想，簡稱習近平思想，係中共中央總書記習近平喺2017年10月18號中共十九大報告入面提出嘅馬克思主義中國化新成果，被規定做中國共產黨必須長期堅持嘅指導思想。[1]
習近平思想主要內容包括明確堅持和發展中國特色社會主義；明確新時代中國社會主義主要矛盾；明確中國特色社會主義事業布局；明確全面深化改革總目標；明確全面推進依法治國總目標；明確黨在新時代嘅強軍目標；明確中國特色大國外交要推動構建新型國際關係；明確中國特色社會主義最本質嘅特徵係中國共產黨領導。
沿革
[編輯]習近平思想呢個概念早喺2012年出現，係習近平自2012年中共十八屆一中全會做咗中共中央總書記上台執政後形成嘅中國共產黨指導思想。[2]習近平思想以習近平總書記一系列重要講話精神為基礎，構成嘅治國理政新思想，包含主要內容有：實現中華民族偉大復興嘅中國夢，堅持同發展中國特色社會主義；協調推進“四個全面”戰略布局，統籌推進“五位一體”總體布局；堅定不移行和平發展道路，加快推進國防同軍隊現代化；以人民為主體，黨領導一切。[3]
外界預計《習近平思想》會同江澤民嘅《三個代表》同胡錦濤嘅《科學發展觀》兩個前任總書記提出嘅指導思想咁樣，喺2017年召開嘅中國共產黨第十九次全國代表大會上被寫入黨章，正式成為中國特色社會主義理論體系嘅一部分。[4] 如果成事，習近平將成為繼毛澤東同鄧小平之後，第三個以自己個名命名中國共產黨指導思想嘅領導人。甚至有人認為《習近平思想》會喺2018年召開嘅第十三屆全國人民代表大會上被寫入憲法。[5]
攷
[編輯]- ↑ 〈習近平說，新時代中國特色社會主義思想是全黨全國人民為實現中華民族偉大復興而奮鬥的行動指南〉。新華網。2017-10-18。喺2017-10-19搵到。
- ↑ 〈黨刊闡述習近平思想：當代中國最鮮活馬克思主義〉。文匯報。2017-07-16。原著喺2020-03-27歸檔。喺2017-12-11搵到。
- ↑ 〈《黨建研究》：習近平思想是當代中國最鮮活的馬克思主義〉。聯合早報。2017-07-15。
- ↑ 〈中共提「習近平思想」十九大或寫入黨章〉。東網。2017-07-15。
- ↑ 〈中共或在十九大上將習近平思想寫入黨章〉。美國之音。2017-05-01。
出面網頁
[編輯]- 〈黨刊闡述習近平思想：當代中國最鮮活馬克思主義〉。文匯報。2017-07-16。
- 〈《黨建研究》：習近平思想是當代中國最鮮活的馬克思主義〉。聯合早報。2017-07-15。
- 〈中共提「習近平思想」十九大或寫入黨章〉。東網。2017-07-15。
- 〈中共或在十九大上將習近平思想寫入黨章〉。美國之音。2017-05-01。