老約瑟夫甘迺迪

老約瑟夫甘迺迪

老約瑟夫甘迺迪（英文：Joseph Patrick "Joe" Kennedy, Sr.，1888年9月6號—1969年11月18號）係美國生意人、政治人，隸屬民主黨，曾經做過美國駐英國大使同埋美國證券交易委員會主席。佢係美國35任總統約翰甘迺迪、前司法部長羅拔甘迺迪同埋參議員愛德華甘迺迪個老豆。

經歷

早年

當時讀緊Boston Latin School嘅佢

老約瑟夫甘迺迪響波士頓出世，出生於有錢世家，老豆係生意人派翠克甘迺迪，佢仲係屋企大仔，有一個細佬方濟各（Francis）同埋兩個細妹瑪麗、瑪嘉烈（Mary & Margaret）。佢早年入讀Boston Latin School，仲曾經係棒球隊成員。佢後嚟跟住堂大佬入讀哈佛大學，本身佢想加入棒球校隊，但係佢最後加入咗Porcellian Club。佢響1912年哈佛大學畢業，之後加入民主黨。

響1914年10月7號，佢同時任波士頓市長約翰·F·菲茨傑拉德個女羅絲結婚。

從商

1913-14年嘅甘迺迪

甘迺迪原先並唔係政治人，而係生意佬，佢響好多領域都有投資。不過早年就曾經傳出，佢同另一個生意人兼黑幫大佬法蘭克卡斯特羅有來往，仲曾經一齊去打劫。呢個傳聞響多年後被推翻。

佢第一份正式嘅工係銀行點數人員，呢一份工令佢學到唔少有關銀行嘅知識。響1913年，佢老豆間公司出現問題，所以佢同銀行借咗四萬五千去幫老豆。嗰年，佢成日周圍同人講，話自己係全美國最後生嘅銀行點數人員。不過同時間，因為響銀行做嘢，所以佢練就咗好好嘅眼光，為佢帶嚟幾大影響。

第一次世界大戰期間，時任美國總統伍德羅威爾遜問甘迺迪、伯納德巴魯克同埋約翰摩根（約翰摩根係摩根大通創辨人）三個人可唔可以繁殖灰白銀膠菊，因為灰白銀膠菊可以製成膠，但係當時美國嘅灰白銀膠菊主要係嚟自亞洲，而響亞洲運嚟美國途中又成日畀德國水軍沒收。

屋企

甘迺迪一家大細

甘迺迪同老婆羅絲總共有九個仔女，分別有：

	名	出世日期	死亡日期	配偶	仔女
大仔	小約瑟夫甘迺迪	1915年7月25號	1944年8月12號	冇	冇
二仔	約翰甘迺迪	1917年5月29號	1963年11月22號	積琪蓮甘迺迪	卡羅琳甘迺迪 小約翰甘迺迪 小派翠克甘迺迪
大女	羅絲瑪麗甘迺迪	1918年9月13號	2005年1月7號	冇	冇
二女	哈廷頓侯爵夫人嘉芙蓮卡雲迪殊	1920年2月20號	1948年5月13號	哈廷頓侯爵威廉卡雲迪殊	冇
三女	尤妮斯甘迺迪	1921年7月10號	2009年8月11號	辛格斯弗爾	波比斯弗爾 瑪麗亞斯弗爾 提摩太斯弗爾 馬克斯弗爾 安東尼斯弗爾
四女	帕特里夏羅福	1924年5月6號	2006年9月17號	彼得羅福	克里斯多德羅福
三仔	羅拔甘迺迪	1925年11月20號	1968年7月6號	埃瑟爾甘迺迪	凱莉甘迺迪 嘉芙蓮甘迺迪 小約瑟夫甘迺迪二世 小羅拔甘迺迪 大衛甘迺迪 肯德尼甘迺迪 米高甘迺迪 克里斯多德甘迺迪 馬太甘迺迪 道格拉斯甘迺迪 羅伊甘迺迪
五女	珍妮史密斯	1928年2月20號	2020年6月17號	史提芬史密斯	威廉史密斯 小史提芬史密斯 阿曼達史密斯 金史密斯
細仔	愛德華甘迺迪	1932年2月22號	2009年8月25號	鍾班尼特 維多利亞甘迺迪	卡拉甘迺迪 小愛德華甘迺迪 派翠克甘迺迪二世