聖水

  想搵第二個意思嘅話，請睇聖水 (搞清楚)。

日本拜水神，水泉之水做聖水

泰國以聖水洗手

聖水，水一種，信仰以至宗教而言，有特殊之效，甚至去到不可思議地步，亦叫神水。各種信仰，各有意義，各有用處。人類文明，水有純潔之義，源流神聖，自古就有拜水源，人條命不可或缺，日常亦用以洗淨污糟，信仰賦與更深意義。道教、佛教等，有治愈之功，基督教則帶祝福，並且可以驅邪。

來源亦有唔同，傳說天上取得又有，實則地上深山泉水又有，佛寺壁畫流出又有，難以一既而論，而基督教則為教中司事者，向水祝福而來。印度教則取自印度五大江水，而流傳到泰國一帶，變咗曼谷就近水池幾處。雖則轉成佛教，泰王加冕無聖水唔得。

小說西遊記則寫到聖水為天宮之物，有長生之效，同金丹並稱，實為孫悟空一行，過車遲國，解救當地和尚，順便撚化班道士，孫幾個屙尿當聖水。日本性風俗，施虐愛虐玩意，玩到屎尿，而戲稱女子篤尿做聖水。

基督教

基督教聖水，用於浸禮或者聖事。