聞一多
| 聞一多 | |
|---|---|
 | |
| 字 | 友三 |
| 號 | 友山 |
| 出世 | 聞亦多 1899年11月24號 .svg){kind=small} 大清黃州府浠水縣（而家黃岡市浠水縣） |
| 死 | 1946年7月15號（46歲） 中國雲南省昆明市 |
| 筆名 | 聞一多 |
| 寫作嘅時期 | 1920年－1946年 |
| 體裁 | 新詩 |
| 派 | 新月派 |
| 名作 | 《紅燭》 《死水》 |
| 配偶 | 高孝貞 |
| 仔女 | 三仔：聞立鵬 |
| 親戚 | 細佬：聞家駟 |
| 受影響 | 魯迅 |
聞一多（粵拼：man4 jat1 do1，1899年11月24號—1946年7月15號），原名聞亦多，譜名家驊（粵拼：gaa1 waa4），係中國男現代作家。響中國湖北省黃岡市浠水縣出世，1912年考入清華學校中等科，1920年開始投身寫作，同時亦參加多場政治運動。1946年畀昆明警備司令部某位下級軍官暗殺。
早年
[編輯]聞一多原本叫聞亦多，字友三，號友山，譜名家驊，1899年11月24號響湖北省黃岡市浠水縣聞家鋪出世，係一個書香世家[1]。佢嘅名出自《論語·季氏》嘅「益者三友，友直、友諒、友多聞」[2]。聞氏家族係當地一個大家族，跟據族譜，佢哋嘅祖先係南宋抗元代表人文天祥，後人改姓「聞」[3]。
聞一多嘅老豆聞邦本，字固臣，係清末嘅秀才[3]。佢思想較為開放，比較能接受西方思想，所以細個嘅聞一多已經響屋企讀緊《東方雜誌》之類嘅新時代思想雜認[3]。5歲嗰陣，聞一多入讀私墊，讀《三字經》之類嘅書本。之後聞一多嘅爺爺又響屋企搞家墊，名為「綿葛軒小學」，並請專門嘅老師嚟教家族弟子，而聞一多亦同班親戚一齊響度讀書[4]。
1910年，聞一多同幾個堂大佬到武昌求學，就讀兩湖總師範學堂附屬高等小學校，並響芝麻岭三佛閣廟租咗間屋一齊住。同年武昌爆發辛亥革命，聞一多深受革命黨人影響，剪去長頭髮[5]。
1912年，武昌局勢算係比較平靜後，聞一多轉讀武昌民國公校同實修學校。無耐聞一多就投考清華學校中等科，最後以湖北籍第二名考上。跟住佢同堂大佬聞亦傳一齊到清華學校讀書，並改名為「聞多」，目的係為簡化自己名嘅寫法[6]。
青年時期
[編輯]直至五四運動嗰陣，佢改名叫「聞一多」。
攷
[編輯] |