聲生不息·大灣區季
《聲生不息·大灣區季》係中國大陸湖南衛視芒果TV喺2024年第四季錄製同播出嘅節目，《聲生不息系列》第四季，同第一季一樣香港無綫電視亦有份協辦。
呢季節目籌辦嗰時叫《聲生不息·港樂季2》，香港無綫電視攞到香港政府嘅「創意智優計劃」資助，後尾湖南衛視趁澳門特區成立25週年加入澳門元素，最終節目名亦改咗用而家呢個。
呢季節目香港無綫電視安排2024年12月14號到2025年3月15號逢禮拜六20:00-21:30喺翡翠台播，最後一集喺3月29號禮拜六20:00-22:30播。
軼事
[編輯]贊助名太搶鏡
[編輯]節目舞台上面，有大大隻字寫住「謝添地」，各歌手獻唱嗰陣必定入鏡。原來「謝添地」係節目贊助商越秀乳業旗下嘅牛奶牌子。香港無綫電視喺第1集未有處理，令香港觀眾都睇到呢個植入式宣傳，由第2集開始就將「謝添地」模糊化處理。
每集內容
[編輯]香港版
[編輯]| 集數 | 播映日子 | 主題 |
| 2024年 | ||
|---|---|---|
| 01 | 12月14號 | 踏上港樂五十年的列車 好歌獻給你 |
| 02 | 12月21號 | 香港電影OST |
| 03 | 12月28號 | 香港電視劇OST |
| 2025年 | ||
| 04 | 1月4號 | 慶祝澳門回歸祖國廿五周年 |
| 05 | 1月18號 | 港樂最佳拍檔 |
| 06 | 1月25號 | 香港樂壇名場面 |
| 07 | 2月1號 | 我最喜愛的香港男歌手 |
| 08 | 2月8號 | 我最喜愛的香港女歌手 |
| 09 | 2月15號 | 我最喜愛的香港頒獎典禮獲獎歌曲 |
| 10 | 2月22號 | 卡拉OK最愛點唱的港樂作品 |
| 11 | 3月15號 | 香港原創音樂 |
| 12 | 3月29號 | 金曲盛典 |
香港版節目調動
[編輯]- 2025年1月11號：由於直播《慈善星輝仁濟夜》，所以停播一次。
- 2025年3月1號：由於播《大師兄春日限定感謝祭》，所以停播一次。
- 2025年3月8號：由於直播《博愛歡樂傳萬家》，所以停播一次。
- 2025年3月22號：由於播《夢如人生 經典永記取：歌詞大師盧國沾作品演唱會》，所以最後一集臨時抽起改3月29號播，而停播一次。