胡亥

畫像

胡亥（前230年—前207年），嬴氏，又叫「二世皇帝」、「秦二世」，係秦帝國第二任皇帝，秦始皇帝嬴政第十八個仔。

始皇帝本來想傳畀大仔扶蘇，但始皇帝病死沙丘之後，李斯同趙高合謀假傳聖旨，叫扶蘇同蒙恬自殺，後來又叫御史曲宮去代郡殺咗蒙恬細佬蒙毅，重殺埋所有兄弟姊妹。由於佢在位三年胡作非為、倒行逆施，結果令到秦朝急速滅亡。

前209年，陳勝、吳廣發起大澤鄉起義，之後有其他人例如項梁、劉邦都跟住起兵反秦。左丞相李斯同右丞相馮去疾、將軍馮劫請求胡亥減輕人民負擔，反而畀胡亥拉去治罪。喺前207年，當劉邦攻破武關之後，胡亥被趙高嘅女婿閻樂迫令自殺，史稱「望夷宮之變」。之後趙高立子嬰為秦王。

屋企人

• 阿爸秦始皇帝嬴政
• 有老婆，唔知咩名