腓特烈二世 (普魯士)

老年嘅腓特烈大帝

腓特烈二世（德文：Friedrich II，1712年1月24號—1786年8月17號），史稱腓特烈大帝（德文：Friedrich der Große；拉丁文：Fridericus Rex），係普魯士國王（1740年5月31號到1786年8月17號在位），重係軍事家、政治家、作家、作曲家。佢在位期間，普魯士軍力大規模發展，領土大舉擴張，文化藝術亦都得到贊助同支持，「德意志啟蒙運動」得以開展。佢令到普魯士喺歐洲大陸取得大國地位，並且喺德意志內部取得霸權，為以普魯士為中心武力統一德意志奠定重要基礎。腓特烈二世係歐洲歷史上最偉大嘅名將之一，亦都係歐洲「開明專制」君主嘅代表人物，重係啟蒙運動時期嘅文化名人，喺政治、經濟、哲學、法律、甚至音樂諸多方面都頗有建樹。