臺灣獨立運動

出自維基百科,自由嘅百科全書
跳去導覽 跳去搵嘢

臺灣獨立運動,簡稱臺獨,係一種政治理念,目標係將臺灣建立成獨立自主、主權完整、同被國際廣泛承認嘅正常國家,喺各方面擺脫主要來自中國大陸嘅干涉或箝制。建立實質及法理獨立的嘅「臺灣共和國」以取代現有嘅中華民國政府[1],或使用台灣現有「中華民國」國號,持續走向永久維持現狀嘅兩個國家狀態(即兩國論或一邊一國),並深化基於臺灣主體性嘅臺灣人認同。台灣內部目前因泛藍陣營同泛綠陣營而對統獨選項重有唔同意見(支持維持現狀嘅比例多過支持台灣獨立、而支持台灣獨立嘅比例又高過唔夠一成嘅支持統一)。

詞義謬誤[編輯]

「台獨」一詞通常所指嘅,唔對應字面意思。「民國」一早喺度,後來有國共内戰共產黨打贏,攞到國民黨大部分土地,用嚟立個新國—中華人民共和國,實際上係「大陸獨立」,將原本(可以叫做)統一嘅中國土地分裂成兩國,民國管住嘅就得返台灣呢個大島同一揸島仔。按正常邏輯講,兩岸統一有兩條路—中共吞曬民國或者相反。今時今日,前者強好多,雙方都認為民國無本事攞返被佔領咗嘅大陸,已經無乜人提「反攻大陸」。所謂嘅台獨,理論上係話民國放棄攞返被中共分裂咗出去嘅中國土地,法律上以後承認中共成功分裂咗中國嘅現狀,實際上「台獨」呢個詞語用起來,寓意非常混亂。中共所指,「兩岸統一」嘅實際意思係比「大陸獨立」再進一步—食埋原有中國政權剩翻嘅所有。

各國立場[編輯]

Flag of the People's Republic of China.svg 中國[編輯]

官方

中華人民共和國政府一直堅決反對「臺獨」主張,主流趨勢係寄望以和平一國兩制方式統一台灣,並鼓勵加強兩岸合作交流,不過同時中華人民共和國政府亦喺《反分裂國家法》講到,如果臺灣獨立,中華人民共和國政府將不惜以戰爭解決臺獨問題[2][3]

Flag of the United States.svg 美國[編輯]

2012年2月,新華社聲稱:美國總統奧巴馬話「美方拒絕任何『台獨』主張」,同以往美國慣用「不支持『台獨』」字眼,用咗「拒絕任何」[4][5]。但民進黨發言人林俊憲表示,佢哋查過各國媒體報導同白宮網站都無發現美國有咁樣講,對於新華社這段報導嘅真實性有保留,可能係佢哋自己片面「加註」[6]。而陸委會官員亦表示,目前並冇收到美方對呢個會面嘅完整簡報,而且喺美國白宮發布嘅訊息都唔見奧巴馬有咁樣講[7]

美國國會喺研究中華人民共和國/台灣嘅「一個中國政策」報告書度(日期:2007年7月9號)闡述美國嘅立場,仲總結咗五點:

  1. 喺1972年、1979年同1982年三個美中聯合公報,美國無明確講明台灣嘅主權地位。
  2. 美國「認知」兩岸「一個中國」嘅立場。
  3. 美國「無承認」中華人民共和國對台灣嘅主權。
  4. 美國「無承認」台灣係主權國家。
  5. 美國政策認為「台灣地位未定」。

呢五點喺 2013 年美國國會研究報告度冇變[8]

參考[編輯]

  1. 百年國慶? 世紀笑話!
  2. CCTV-堅持一個中國 決不容忍「台獨」
  3. 國台辦王在希:台獨就是戰爭 武力恐難避免
  4. "台湾关注美国"拒绝任何台独主张"字眼". 鳳凰網.
  5. 习近平访美 奥巴马首提“拒绝”台独 互聯網檔案館歸檔,歸檔日期2012-02-20.
  6. 林朝億 (2012-02-16). "歐巴馬拒絕任何台獨主張? 綠存疑". 新頭殼.
  7. "台灣關注美方拒絕任何台獨主張字眼". 中国评论新闻网. 2012-02-17.
  8. Shirley A. Kan; Wayne M. Morrison (January 4, 2013). "U.S.-Taiwan Relationship: Overview of Policy Issues" (pdf). Congressional Research Service. p. 4.