傳承字形

出自維基百科,自由嘅百科全書
(由舊字形跳轉過嚟)
  呢篇文講嘅係廣義嘅傳統漢字字形。想搵日文漢字嘅舊式標準字體,睇吓「舊字體」。

傳承字形又叫舊字形,指傳統嘅字形,尤其係活字印刷後嘅印刷字形。佢响明朝成型,喺日本畀人叫做舊字體、正字體,喺大陸亦指漢字改革同《印刷通用漢字字形表》頒佈前所使用嘅字形。廣義上又可用嚟表示各國制定新字形之前嘅所有字形。所以,佢同大陸規範字形、臺灣國字標準字體相對立。代表書籍有《康熙字典》、《中文大辭典》、《大漢同辭典》、《漢韓大辭典》、《中華大字典》等等。

過往傳承字形有若干個由文字學者研訂的標準,但係並無硬性嘅唯一標準,康熙字典、大陸舊字形、韓國印刷字形、Windows 98 同埋更早版本中附帶嘅細明體(到 3.21 版爲止,新版本改用臺灣國字標準字體)都有啲啲差異。目前亦都有開源社群維護綜合過往學界各大家共識嘅現代化標準。

起源[編輯]

最初彫版印刷時期,往往直接使用書寫體(楷書),由宋朝起,以木板作活版印刷嗰陣,爲咗順應木嘅紋理,將漢字嘅外框同中宮改爲矩形、加粗豎畫,嚟到降低彫刻損耗。喺橫畫末端、豎起筆處添加三角,以提升活字磨損之後印出嚟嘅文字辨認度。因爲佢嘅形態同傳統楷書有較大嘅偏差,套用楷書嘅處理方法已經不適用,於是字匠因應佢嘅美觀性而作調整。喺明朝時,呢種字體正式成型,稱爲明體。喺字形寫法方面,佢同手寫楷書嘅隨意、多變性質唔同,講求點畫分明,字樣往往比時人嘅楷書字形更加符合字理。

同傳統楷書嘅主要區別[編輯]

下面係傳承字形同楷書之間,可能出現嘅一啲主要區別。

外觀上[編輯]

  • 露芒:喺「𠃊、𠄌、𡿨」等等複合筆畫嘅交接位,縱向筆畫切出斜向筆畫,橫向筆畫切出縱向筆畫。
  • 齊腳:喺「口、囗、凵、山」等等嘅部件入面,左右兩邊嘅豎筆同時向下伸出,即係遵循「𠃊」嘅露芒,以維持字形平衡,避免「跛腳」。而新字形就成日會「跛腳」。
  • 唔避重捺:如果一個字入面本來應該出現多個捺畫時,唔使仿照楷書將次要捺筆[註 1]改成點。
  • 末捺嘅運用:如果「木、禾、大」等部件冇必要避讓,例如喺字嘅右邊或下方,末筆都作捺。而新字形入面,即使唔使避讓,都成日改做點,破壞字形平衡。
  • 捺畫起筆:部份舊字形入面,有啲捺畫起筆增加一挑(如「乂」)或者細一橫(如「入、八」)。
  • :末筆寫成點挑[註 2]
  • :首筆寫成撇點,唔寫做撇挑[註 3]
  • :下面係好似絲絮嘅「𡭔」形,唔寫做「小」或者三點[註 4]
  • :係「點、點、橫豎、挑扁捺」,唔係楷書嘅「⻎」或者新字形嘅「⻌」。
  • :首筆係直點[註 5]
  • :末畫係一橫[註 6]

字理同字源上[編輯]

  • :有啲字楷書係一點[註 7],舊字形係直點,例如「立、文、亢、高、主」。字源上佢嘅第一筆可能來自人嘅頭部象形或者建築物嘅頂部。
  • 𠄞:有啲字楷書係一點[註 8],舊字形係橫,例如「辛、童、龍、言、音」。字源上佢嘅第一筆多數來自「辛」或者「䇂」部件,或者好似「言」字噉係指示符號(表示舌之上)嘅橫筆。
  • :唔寫成「亽」。例如「今、令、食」。
  • :從「入」,唔從「人」寫成「内」。
  • :上面從「𠄞」[註 9]。唔寫成「礻」。
  • :從「犬」加撇,唔寫成「友」加點。
  • :喺「半、平、肖」等等「撇-點」結構位於橫畫之上嘅字,呢個部件唔寫成「丷」形。
  • :從「冫」,唔寫成兩點。
  • :從「ㄗ」[註 10],係跪喺度嘅人,唔從「龴」。
  • :右邊從「人」,唔從「卜」。
  • :第三筆係撇,唔寫成點[註 11]

唔合併嘅部件[編輯]

  • :前者如「匡、匱、匯」,後者如「匿、區、匹」。
  • 𠤎:前者如「能、比、此、鹿」,後者如「化、花」。
  • 字右邊[註 12]:前者如「迅、訊、汛」,後者如「巩、恐、筑」。
  • 字右邊[註 13]:前者如「丸、紈、汍」,後者如「熟、熱、執、藝」。
  • [註 14][註 15]字左邊[註 16]:分別如「明、期、朗」,「肌、胎、胡」,「靑、淸、靜」,「服、朕、勝」。
  • [註 17]:前者如「胄」,後者如「冑、冒」。
  • 嘅右邊:前者如「設、般、段」,後者如「沒、莈、歿」。
  • 字頭[註 18]:前者如「孝、嗜」,後者如「者、諸」。
  • 𧶠:前者如「續、讀、櫝、竇」,係形聲字裏面嘅聲符;後者如「賣」。

分類[編輯]

康熙字典體[編輯]

《康熙字典》所使用嘅字形,通常被認爲係傳承字形嘅規範。喺臺灣地區有時代指舊字形(廣義)。此外,有時亦係字型TypeLand 康熙字典體嘅簡稱。事實上《康熙字典》有少數避諱字,如「弘」、「玄」等,當前使用嗰陣時應該糾正佢。

睇埋:康熙字典

代表電腦字型

韓國印刷字形[編輯]

內文:漢文教育用基礎漢字

KS X 1001KS X 1002 所規定嘅字形,通常可以被直接作爲舊字形使用,但係某啲字形並唔符合康熙字典體,例如「言」嘅首筆變咗做豎,有啲「儿構件」變咗做「几構件」等。

日本舊字體[編輯]

內文:舊字體

日本頒佈 JIS X 0218(後來又擴充爲 JIS X 2013)前使用嘅字形。但係喺 2004 年修訂頒佈 JIS X 0213:2004 中,某啲字形被重新調整做舊字形[1]。有啲字因妥協而被列出兩種或多種寫法。

《傳承字形檢校表》中標準[編輯]

遵循開源組織「一點字坊」編製嘅《傳承字形檢校表》。《檢校表》攷證字源,目標係釐定一份兼顧字源、字理、使用習慣同美觀性[2]嘅標準,拆分同規範一啲被混淆嘅異源部件,選出最有代表性嘅傳承字形形體嚟到做「推薦形體」。

代表電腦字型

其他無定型標準嘅舊字形字型[編輯]

「漢字改革」前嘅字形

內文:漢字改革

當代無標準舊字形代表電腦字型

版權字型

  • 方正新秀麗
  • 方正平黑
  • 方正** BIG5
  • 細明體

民間修改字型

  • 明蘭(合併同埋修改自メイリオ同方正蘭亭黑)
  • 新明蘭(合併同埋修改自メイリオ、方正蘭亭黑同微軟雅黑)
  • 不明體(合併同埋修改自ヒラギノ明朝、小塚明朝等)
  • Zauri Sans(修改同埋合併自小塚ゴシック方正蘭亭黑)
  • 雲林黑體(曾用名稱:冬青黑體舊字形;修改自冬青黑體/ヒラギノ角ゴシック)
  • 汀明體(修改自細明體)
  • 光明體(修改自 KP KwangMyeong)

註釋[編輯]

  1. 如「食」的最後一筆、「焚」的第八筆。
  2. 喺顏體,呢畫可以被認爲係一種點畫。
  3. 喺某啲楷書(例如柳體),呢畫都係撇點。
  4. 喺某啲楷書(例如歐體),下面都係寫做絲絮嘅「𡭔」形。
  5. 喺某啲楷書,呢畫都係直點。
  6. 喺某啲楷書,呢畫都係橫。
  7. 某啲楷書度,呢畫都係直點。
  8. 某啲時候都做橫。
  9. 形同「二」。
  10. 「卩」嘅變體。
  11. 喺某些楷書,呢畫都寫做撇。
  12. 「丮」嘅變體。
  13. 「丮」嘅變體。
  14. 「肉」嘅變體。
  15. 「丹」嘅變體。
  16. 「舟」嘅變體。
  17. 「⺼」喺下方嘅變體。
  18. 形同「耂」喺右下角增加一點。Wikipedia 唔支持錄入示範字

參考文獻[編輯]

  1. "Wikipedia - JIS X 0213".
  2. Zonz (2018/03/25). 承字形檢校表1.10 新版發佈. 原著喺2020年7月14號歸檔. {{cite web}}: Check date values in: |date= (help)

睇埋[編輯]