明體

出自維基百科,自由嘅百科全書
Jump to navigation Jump to search

明體中國大陸一般叫做宋體臺灣宋體同埋明體兩種叫法 [1]港澳通常叫做明體),係漢字印刷字體風格類別。最初係喺複刻臨安書棚本嗰陣,將筆畫加以直線化,呈現出硬朗表情嘅一種字體。筆畫有粗幼變化,而且通常係橫細豎粗,末端有裝飾部份(即「字腳」或者「襯線」),點、撇、捺、鈎等筆畫有尖端,屬於白體,不時喺書籍雜誌報紙印刷度用嚟做正文排版。

起源[編輯]

中國宋代出現咗活字印刷術,而當時嘅活字字體都係楷書[2]。宋朝嘅印刷事業有三大產地,即浙江四川福建[2],而三地嘅楷書字體有各自嘅特點。浙江所出版嘅字體大多數仿製歐陽詢嘅楷書,四川嗰啲大多數仿製顏真卿嘅楷書,福建嗰啲大多數仿製柳公權嘅楷書[2]。宋敗於金朝後,爲咗翻印留喺北宋嘅書籍,南宋首都臨安嘅棚北大街上建立咗好多出版商,其中有陳起陳宅書籍鋪。陳宅書籍鋪出版嘅書籍有一種甚有特色嘅楷書字體。呢個字體,畀後人仿製,就係現代所謂「仿宋體」,亦係明體嘅基礎[2]

有啲喺臨安印刷嘅書籍喺明代翻印,而字體有所改變[2]:橫畫被直線化,有比較固定嘅粗幼變化。後嚟呢種字形特徵被歸納爲「橫細豎粗撇如刀,點如瓜子捺如掃」,橫末帶有「小三角」[3]萬曆年間,已稱爲而家所認識嘅明體[2]

由於經濟因素,佔據版面較小嘅明體逐漸流行[未記出處或冇根據],由於呢種字體缺少書法上嘅藝術性變化,畀明代文人詬病爲「匠體字」。明體字東傳至日本,被日本稱作明朝體。清朝時嘅印刷亦以明體爲主,連《康熙字典》都用明體,不過同時康熙亦規定改稱呢種刻版字體做「宋體」[4][3],導致後嚟喺中文入面,呢種字體嘅名有「明體」同「宋體」之爭。

宋陳起編、髙九萬著嘅《菊澗小集》終頁書影,係宋朝臨安府陳解元宅書籍鋪遞刊本。呢種字體而家叫「仿宋體」。
明朝南京國子監版《齊書》書影。呢個時候出現咗「橫細豎粗撇如刀,點如瓜子捺如掃」,橫末帶有「小三角」[3]嘅明體。
清朝出版《南宋群賢小集》嘅其中一頁,翻刻咗南宋(寶佑四年)嘅榜單。翻刻時彫刻工匠用咗明體字。

發展[編輯]

日本嘅明朝體日文明朝體みんちょうたい Minchōtai),係由於美國姜別利(William Gamble)响1859年將上海美華書館所製造嘅六種字體傳入日本,並且指導日人本木昌造用電鍍字模製造法所形成嘅字體。因爲佢模仿自明朝萬曆年間嘅字體,所以叫做「明朝體」,日本而家仲沿用呢個稱呼。

現代鉛字採用咗明體印刷。後嚟依據西方文字嘅黑體同埋意大利體嘅方式,創造咗漢字印刷體嘅黑體鉛字。目前宋體、黑體仿宋體同埋楷體成爲漢字印刷嘅四種主要字體。“明體”係一類字體嘅總稱,有好多字體都屬於呢個範疇。

電腦字體[編輯]

Windows系統中易宋體(顯示成「宋體、新宋體」,非簡體環境下顯示做「SimSun、NSimSun」)係由北京中易中標電子信息技術有限公司製作嘅簡體字字型;繁體嘅細明體(顯示成「細明體、新細明體」,非繁體環境下顯示做「MingLiU、PMingLiU」)則係華康科技製作嘅明體字型。

Mac入面嘅襯線字體有儷宋Pro(LiSongPro)同埋蘋果儷細宋(LiSungLight)。Linux發行版中使用較多嘅有AR PL 上海宋(AR PL Uming)同埋完全民間開發嘅文泉驛點陣宋體。網絡上仲有民間開發嘅華秀月明字型[5]、保存傳承字形一點明體(I.明體)[6]、透過Glyphwiki產生嘅花園明朝體[7]等。

常見嘅電腦字體[編輯]

Windows中嘅各種明體字型,由上至下分別爲簡體中文新宋體正體中文新細明體日文明朝體

Windows系統附帶嘅:

香港政府提供嘅免費字型:

  • 明體(Ming_ISO10646)

一般喺Linux操作系統度預裝嘅:

  • AR PL 上海宋(AR PL UMing)(自由字型,多個Linux發行版默認附帶)
  • 文泉驛點陣宋體
  • Takao明朝(TakaoMincho, TrueType),日文
  • Takao P明朝(TakaoPMincho, TrueType),日文
  • Takao Ex明朝(TakaoExMincho, TrueType),日文

作爲Microsoft Office一部份嘅:

作爲Adobe Reader同埋Adobe Acrobat一部份嘅:

作爲Mac OS操作系統一部份嘅:

  • 儷宋 Pro (LiSongPro, TrueType)
  • 蘋果儷細宋 (LiSungLight, TrueType)
  • ヒラギノ明朝 ProN W3(HiraMinProN-W3, OpenType),日文
  • ヒラギノ明朝 ProN W6(HiraMinProN-W6, OpenType),日文
  • 游明朝體(YuMincho, OpenType),日文

常見嘅開源字體:

  • 思源宋體(Source Han Serif),係AdobeGoogle所領導開發嘅開放源代碼字體家族,支持四種不同嘅東亞語言(簡體中文、正體中文、日文同韓文)
  • 一點明體(I.明體),由一點字坊製作,透過修改IPA明體而成,以保存傳承印刷明體字形做宗旨。
  • IPA明體,衍生自林隆男所設計嘅「TB明體」,由日本IPA以符合開放原始碼促進會開源定義嘅「IPA開放字型授權條款」發佈。
  • 花園明朝體,透過Glyphwiki產生而成,目標係收錄所有Unicode字符,尤其是漢字部份。

睇埋[編輯]

參考文獻[編輯]

  1. 中華民國教育部設計嘅字體名叫「教育部標準宋體」,而Microsoft Windows作業系統內建字體名就叫新細明體同細明體,所以喺臺灣有宋體同埋明體兩種嗌法
  2. 2.0 2.1 2.2 2.3 2.4 2.5 金欣堂字庫 互聯網檔案館歸檔,歸檔日期2012年10月4號,.,知る,漢字書體 (日文)
  3. 3.0 3.1 3.2 內木一郎:《宋體非宋》,刊於《Justfont Blog》,2013年9月17日。
  4. 康熙十二年(公元1673年),敕廷臣補刊經庵《文獻通考》嘅序文中,規定:「此後刻書,凡方體稱宋體字,楷書均稱軟字」。
  5. 愛漢字字型檔暨資料下載
  6. 一點字坊:一點明體(I.明體)
  7. "花園明朝體:全字符收錄嘅開源日文字體". (原先內容喺2019年2月9號歸檔). 喺2019年1月23號搵到.