一點明體

一點明體（I.明體、I.Ming、日文：一点明朝）係開源中文明體，字形跟傳承字形，由一點字坊整，今陣（二〇二三年七月十七號）出到八點〇〇版（二〇二二年九月六號），可用OpenType參數揀異體字、簡化字同唔同嘅標點格式，並提供唔同連結字功能。

新一細明體（PMingI.U）由一點明體叉出來與新細明體度量兼容（metric compatible）嘅版本，分別係行距加大咗，同微軟視窗用嘅上升高度同下降高度收窄咗，三組數值都整到好似（新）細明體噉。

收字範圍

佢收晒全部五大、GB2312、IICore、《通用規範漢字表》漢字，以及《常用香港外字表》一點八版嘅全部字元、「再會豆腐字」《本土語言外字表》二〇二〇年版全部字元、《康熙字典》全部字頭，此外重整埋部首同補充部首、筆畫、注音符號同注音符號擴展、蘇州碼子、蔴雀牌、中國象棋、中國算籌、中式「正」字計數符號、八卦、易經六十四卦、太玄經八十一卦等字元，覆蓋絕大部份正體／繁體中文用嘅字元，滿足香港同臺灣用者嘅一般需求。

睇埋

• 明體
• 黑體
• 圓體