大五碼

五大碼（意譯）／大五碼（直譯）／Big5（唔譯），係用繁體中文嘅社群裏面最常用嘅電腦漢字字符集標準，原版收錄咗13,053個字。之所以個名係恁樣，係因為個開發任務開頭主要照顧PC系統個五大模組：系統公用程式、字嘅組成、狀態列設定、字形傍列印設定。

中文碼分為內碼以及交換碼兩類，五大碼屬中文內碼，知名嘅中文交換碼有CCCII、CNS11643。

五大碼雖普及於台灣、香港同埋澳門等繁體中文通行區，但長期以來並非當地嘅國家/地區標準或官方標準，而只係業界標準。倚天中文系統、Windows繁體中文版等主要系統嘅字元集都係以五大碼為基準，但廠商又各自增加唔同嘅造字同埋造字區，衍生出多種唔同嘅版本。

2003年，五大碼被收錄到CNS11643中文標準交換碼嘅附錄當中，得到徂台灣官方正式認可個地位，呢個最新版本被稱為Big5-2003。