艾度迪華特
| 艾度迪華特 | |
|---|---|
 | |
| 出生日 | 1941年6月1號  （83歲） |
| 出生地 | 阿姆斯特丹 |
| 國籍 | 荷蘭王國 |
| 母校 | Conservatorium van Amsterdam、Ignatius Gymnasium |
| 職業 | 指揮家、oboist、鋼琴家 |
| 風格 | 古典樂 |
[改維基數據] | |
艾度·迪華特（Edo de Waart，1941年6月1號—）係荷蘭指揮家。佢以指揮樂團同歌劇節目出名，將一啲二流樂團轉變為一流嘅樂團，因而讚佢做「樂團建造家」。
履歷
[編輯]迪華特曾經喺阿姆斯特丹市嘅史韋琳克音樂學院（Sweelinck Conservatory）學雙簧管、鋼琴及指揮學，1962年畢業；畢業之後第二年（1963年），阿姆斯特丹王家音樂廳樂團委任佢做助理首席雙簧管手。1964年23歲嗰陣，迪華特喺紐約市嘅德米特里·米特羅波洛斯指揮大賽攞獎。攞獎後，佢正式加入紐約愛樂樂團做助理指揮，一年內變成倫納德·伯恩斯坦嘅得力助手。
迪華特返返荷蘭之後，立即俾伯納德·海廷克委任做阿姆斯特丹王家音樂廳樂團嘅助理指揮。1967年，荷蘭管樂合奏組、鹿特丹愛樂樂團委任迪華特做呢兩個樂團嘅指揮，由1973年到1979年擔任音樂總監。
迪華特喺1975年帶領三藩市交響樂團作首演，一年後做埋呢個樂團嘅總客席指揮，1977年到1985年擔任樂團嘅音樂總監。由1986年至1995年，出任明尼蘇達樂團總指揮。
迪華特多次巡迴演出之後，1989年返返荷蘭，俾荷蘭電台愛樂樂團委任做音樂總監，做到1994年辭職為止；之後更出任同一樂團嘅桂冠指揮。
自1995年開始，迪華特正式擔任澳洲悉尼交響樂團總指揮及藝術顧問。2004年辭職，出任香港管弦樂團藝術總監及總指揮至2012年。[1]
2008年1月3號，迪華特被任命為密爾沃基交響樂團第六位音樂指導，2009年9月上任。2008年3月，聖保羅室內樂團宣布迪華特成為2010年管弦樂團嘅藝術合作夥伴-11賽季。2010年4月，密爾沃基交響樂團宣佈喺2016-17賽季延長德瓦特的合同。同一個月，皇家佛蘭德愛樂樂團宣布由2012年起，瓦特被任命為六個賽季嘅首席指揮。佢喺2011年開始皇家佛蘭德愛樂樂團嘅首席指揮，比原定早一年。2014年11月，皇家佛蘭德愛樂樂團宣布迪華特擔任首席指揮的任期將在2015-2016賽季結束之後結束。 2015年2月，密爾沃基交響樂團宣布2016-17賽季之後迪華特嘅音樂總監結束，佢將成為得獎者。2015年6月，新西蘭交響樂團宣布任命迪華特為下一位音樂總監，並喺2016年3月舉行首次音樂會。
備註
[編輯]- ↑ "Edo de Waart steps down as Artistic Director and Chief Conductor of the Hong Kong Philharmonic Orchestra after 2011/12 Season" (新聞稿). Hong Kong Philharmonic Orchestra. 10 3月 2010. 原著喺18 10月 2010歸檔. 喺10 3月 2010搵到.
- ↑ "Edo de Waart neemt afscheid als dirigent" (新聞稿). Radiofilharmonisch Orkest. 10 April 2024. 喺2024-04-10搵到.
{{cite press release}}: CS1 maint: url-status (link) - ↑ "Dirigent Edo de Waart stopt". NPO Radio 4. 2024-04-10. 喺2024-04-10搵到.
出面網頁
[編輯]
- 艾度迪華特喺互聯網電影資料庫嘅資料
- 艾度迪華特喺BIBSYS嘅資料
- 艾度迪華特喺西班牙國家圖書館嘅資料
- 艾度迪華特喺分面應用主題詞表識別碼嘅資料
- 艾度迪華特喺虛擬國際權威檔案識別碼嘅資料
- 艾度迪華特喺Freebase嘅資料
  |