英式16波

出自維基百科,自由嘅百科全書
Jump to navigation Jump to search
英式16波

英式16波粵拼jing1 sik1 sap6 luk3 bo1),又嗌黑波hak1 bo1),係桌球運動嘅其一項目,亦係全球各地喺大型及VIP桌球館入面流行嘅桌球項目。比賽時,檯上面會放16隻波(其中一隻係白波、一隻係黑波,凈低嗰14隻分別係黃波同紅波),附近有6個袋窿。

歷史[編輯]

呢種運動從1900年代初(有記錄話係1908年)出現,直到1925年先至開始流行,嗰時凈得7隻、7隻、1隻呢三種色嘅波。後嚟個玩法喺英國地區開始流行。雖然呢種玩法流傳到美國發展成美式16波後發揚光大,但英式嘅玩法一直保留到而家[1][2][3][4]

規則[編輯]

英式16波有固定嘅比賽規則,連比賽過程同用波都有嚴格規定:

用波[編輯]

英式16波嘅正規方法

各種波正規色
喺檯上嘅正規擺法(詳細睇擺法

波嘅裝備包括咗7隻紅波[註 1]同7隻黃波,1隻黑波同1隻白波。其中除咗黑波之外,其它波唔理喺咩情況下都唔可以有數字喺度。

比賽用檯一般揀6×3英吋、7×3.5英吋(二揀一)嗰種[6]。用波一般用2~2316英吋範圍內嗰種。

擺法[編輯]

國際標準桌球用檯示意圖。圖入面嘅一點位用嚟擺15個波,黑線位用嚟擺白波。

比賽開始嗰時,最好用三角架擺波,不過一定要符合以下要求:

  1. 要排喺檯嘅闊行最中間位,長行喺中間偏向自己嘅½長度位[註 2],但唔畀黐檯邊或距離檯邊太近。
  2. 擺成隻等邊三角形且突出位面向檯最遠處,唔畀出現位置偏差或角度傾斜嘅情況。
  3. 黑波必須要擺喺堆波嘅中間位
  4. 三個角必須要擺成一紅兩黃或一黃兩紅嘅結構,而且堆波啲色一定要擺成梅花間竹個樣。
  5. 個個波之間必須要黐埋,唔可以鬆散。

比賽[編輯]

開波[編輯]

喺第一局開波之前,比賽多數用以下兩種方式嚟決定邊個開波:掟銀仔定𧰵波鬥遠近。揀完先後準備之後比賽開始,白波凈可以擺喺長行喺中間偏向自己嘅對面½長度位[註 3],但唔可以黐檯邊。之後直接發波。

白波發出去之後,出現以下情況:

情況 解決
掂到彩波後,凈得<4個波掂到檯邊。 換對方重新開波或繼續比賽[註 4]。假如繼續比賽,將會按以下情況處理。
打散啲波之後 有紅/藍波或黃波落袋且白波唔落袋,但黑波唔落袋。 自己繼續打波,但一定要打返你入嗰隻色波或跟住指令揀邊種色波就打邊種色。
有紅/藍波或黃波落袋且黑波落咗袋,但白波唔落袋。 自己繼續打波,但要重新開波。
冇紅/藍波或黃波落袋且白波唔落袋,但黑波落咗袋。 自己繼續打波,但要重新開波。
有紅/藍波或黃波落袋且白波落袋。 換對方繼續打波
冇紅/藍波或黃波落袋且白波落袋。 換對方繼續打波
冇紅/藍波或黃波落袋且白波、黑波唔落袋。 換對方繼續打波
有紅/藍波或黃波落袋且白波、黑波都落袋。 換對方重新開波
(少有情況) 一桿15個波冚唪唥落嗮袋。 自己繼續打波,但要重新開波。
一桿16個波冚唪唥落嗮袋(包括白波飛出檯)。 換對方重新開波
白波唔掂到任何彩波情況下直接跌落袋或飛出檯 換對方重新開波

第一桿之後[編輯]

打散啲波之後會睇情況而決定,有啲比賽睇第一桿入嘅係乜色,有啲會嗌你決定打邊隻色嘅波。一旦揀咗嗰隻色,中途冇得改,直到嗰鋪嘅黑波落袋為止。

交換對手[編輯]

打散啲波之後,跟住落嚟嘅比賽過程入面,凡係對陣兩位其中一方打完波之後出現冇波落袋情況就要換對方繼續打波。但出現以下情況嘅,對方可以執返白波出嚟放喺檯嘅發波區範圍開打,犯規方要罰停一次。

  • 對方未先射中指定嘅波[註 5]
  • 對方發波之後冇掂到任何彩波
  • 對方喺未打嗮指定波種落袋之前,發波之後掂到黑波嘅。
  • 對方入嘅係第隻色嘅波[註 6]
  • 白波落袋或飛出檯(唔理有冇入到彩波都係噉)
  • 冇波掂檯邊
  • 打波時兩隻腳離開地面(除殘疾比賽或波檯冇另外提供準確桿之外)
  • 使用跳波技能

點先至算贏[編輯]

  • 通過合法途徑入嗮冚唪唥嘅紅/藍波或黃波之後,將黑波射入。
  • 對方通過犯規嘅方式入咗黑波
  • 對方得返黑波可以射時,連同將黑波同白波一齊射落袋或飛出檯。
  • 對方將黑波飛咗出檯。
  • 對方喺未入嗮冚唪唥嘅紅/藍波或黃波嘅情況下,通過組合波將黑波射入。
  • 對方通過跳波方式將黑波射入。

嚴重犯規[編輯]

出現以下情況係屬嚴重犯規,要直接換對方射或直接結束比賽:

  • 波未停低時直接出桿
  • 未輪到出桿時直接出桿
  • 犯規停罰期間未完時直接出桿
  • 對方犯規後輪到自己開波時,白波冇按規定擺喺發波區範圍入面就直接出桿。

註同攷[編輯]

  1. 有部分地區或桌球館亦會用藍波嚟頂住紅波[5],但大多數高級桌球館玩呢種桌球運動時都會準備紅波。
  2. 喺國際規則入面,檯上有點嘅位係擺15個彩波嘅地方。
  3. 喺國際規則入面,檯上有線嘅位係擺白波嘅地方。
  4. 前提要冇波落袋情況下,一旦有紅/藍波或黃波落袋,比賽將會繼續,但白波落袋嘅要對方打。
  5. 睇第一桿打完之後嘅決定。跟住落嚟對方要射紅/藍波時射咗黃波或要射黃波時射咗紅/藍波情況(包括波桿或身體、衫褲任意部位掂到)。
  6. 唔理自己有冇射啱指定嘅波都好。祗要出現對方要射入紅/藍波時間接入咗黃波或對方要射黃波時間接入咗紅/藍波情況。
  1. Shamos, Michael Ian (1993). The Illustrated Encyclopedia of Billiards. New York, NY: Lyons & Burford. 第 85頁. ISBN 1-55821-219-1. 
  2. Jewett, Bob (February 2002). "8-Ball Rules: The many different versions of one of today's most common games". Billiards Digest Magazine: Page 22–23. 
  3. Hickok, Ralph (2001). "Sports History: Pocket Billiards". HickokSports.com: Everything You Wanted to Know About Sports. New Bedford, MA, USA: self-published. 喺13 December 2006搵到. 
  4. Shamos, Mike (1995–2005). "A Brief History of the Noble Game of Billiards". Broomfield, CO, USA: Billiard Congress of America. 喺13 December 2006搵到. 
  5. "World Pool Association [sic] Blackball Rules" 互聯網檔案館歸檔,歸檔日期February 2, 2007,., World Pool-Billiard Association, 2005.
  6. "British vs. American Pool". Liberty Games. 喺30 April 2010搵到. 

出面網頁[編輯]

Template:桌球