范延光（？—940年9月30號[1]）係五代十國後唐、後晉將領。佢字子環，喺山相州臨漳（今河北省臨漳）出世。開始喺後唐為宣徽南院使，以平定朱守殷之亂，授為樞密使。後嚟鎮壓魏州天雄兵變，改為天雄軍節度使。石敬瑭代後唐建立後晉後，范延光好遲至歸降、致賀，而佢嘅仔女又係後唐末帝子雍王李重美妃，雖然石敬瑭封佢為臨清郡王以示安撫，但兩人彼此並唔信任。937年，喺鄴城反晉，翌年兵敗後歸罪下屬孫銳並滅其族，請求投降，石敬瑭先拒絕，後接受，於是范延光派佢嘅仔范守圖、范守英入質大梁而後開城投降，獲賜鐵券，為天平軍節度使，改封東平王，以太子少師致仕，最後被楊光遠殺害。
