茅招，又叫出千、出貓、出術，出蠱惑、超技術，即係喺比賽或大型題目測試入面用唔正當、唔公平嘅方法或陰濕、揦拃手段獲得優勢或者利益。
好多時用茅招會犯規。例如足球界入面嘅踢波插水、賣老抽行為。喺遊戲界入面，PC版遊戲嗌佢做「修改器」；PSP或3DS、PS4、Wii系列產品嗌佢做「金手指」；網遊界嗌佢做「外掛」；舞臺表演界對白時搞嘅臺前出大貓紙對白提水；歌唱大賽入面出現用咪咀或幕後代唱；拍戲時要求拍驚險鏡頭但演員怕死時，搞出電腦特技、剪接、替身演出，俗稱「糊佬嘢」；學生考試唔識答試卷請槍作答等行為。
