茶走

茶走係香港茶餐廳１款特色嘢飲，屬於港式奶茶嘅一種變化，衍生自香港原有嘅絲襪奶茶。「茶走」嘅意思係「走奶」，意思即係奶茶淨係落煉奶而唔落淡奶同砂糖。大部份嘅茶走仍然仲有淡奶呢種成份，因為煉奶本身就帶有濃厚嘅奶香同甜味，而淡奶係唔能夠做到，所以茶走嘅味道會比一般嘅港式奶茶更加濃郁同甜滑。茶走因為煉奶嘅甜味夠濃而唔使落糖，相反，一般嘅港式奶茶因為淡奶嘅甜味唔夠就需要落糖。

「茶走」嘅名係源於粵語裡面嘅「走」字，表示係「攞走」或者係「唔加某樣嘢」，但係喺呢度嘅意思係去除原有嘅奶茶配方入面嘅淡奶，改用煉奶嚟代替。呢種命名方式反映咗茶餐廳文化嘅一大特色——簡潔直接但又充滿創意，方便顧客同店員好快咁溝通。香港嘅飲食文化因為中西融合而發展出獨特嘅風味，而「茶走」正正就係呢種融合嘅體現之一。呢樣嘢用英式奶茶嚟做基礎，經過港式嘅改良，加入咗煉奶呢種帶有濃厚甜味嘅配料，令佢成為一款地道嘅港式嘢飲。

來源

早期賣絲襪奶茶嘅大牌檔都會將砂糖同奶茶溝好之後先至上枱，因為當時嘅大牌檔並唔會預先將砂糖放喺張枱上面，所以食客並唔可以自己去調味而控制砂糖嘅用量，冰室或者茶餐廳後嚟都將放咗砂糖嘅容器放喺餐枱上面，侍應將奶茶拎到客人嘅餐枱之後，客人就可以按自己嘅需要自己喺奶茶度落砂糖嚟加甜味。大牌檔嘅港式奶茶跟住之後衍生咗用煉奶嚟代替淡奶嘅做法出嚟，因為煉奶嘅主要成分係糖，本身已經好甜，所以調配出嚟嘅奶茶唔需要再落砂糖，亦即係所謂嘅「走糖」，而用煉奶調配嘅奶茶就叫做「茶走」，裡面嘅「走」字係「走糖」，即係唔使落糖嘅意思，呢個同茶餐廳嘅「飛砂走奶」—指沖調相似唔落糖唔落奶嘅咖啡，不過奶茶淨係會「走糖」而唔會「走奶」。

喺香港茶餐廳嘅語境裡面，「走」呢個字並唔係單純指「攞走」某樣嘢，而更多嘅係一種特定嘅用法，表示改變或者替換。例如：「飛砂走奶」就係指冇咗砂糖同奶嘅咖啡；「走冰」就即係嘢飲裡面唔落冰。

好處

由於茶餐廳裡面嘅一般熱飲本身都唔會預先落砂糖，而係由顧客按自己鍾意嘅甜度嚟自己落糖，不過熱飲嘅溫度有時唔夠令砂糖全部溶晒，結果造成熱飲留咗大量砂糖喺杯底，搞到最後嗰幾啖奶茶比起面嗰啲甜得多，而「茶走」嘅做法可以避免呢種情況，原因係煉奶比砂糖更容易喺飲品裡面混和。

發展

喺香港，「茶走」呢個稱呼起初淨係局限喺奶茶，慢慢咁唔論咖啡、鴛鴦、阿華田、好立克同埋美祿...等等，亦都發展出啡走、立克走、鴦走...等等。而家大部分香港飲食業工作者都識得「茶走」呢個術語，特別係茶餐廳伙計；亦都有例如係大快活嘅連鎖港式快餐店供應茶走。

喺香港以外嘅地方，有部分茶餐廳伙計亦都識得「茶走」呢個術語。

睇埋

• 咖啡
• 奶茶
• 絲襪奶茶
• 鴛鴦
• 啡走
• 立克走