荃灣千色匯
(由荃灣城市廣場跳轉過嚟)
荃灣千色匯（KOLOUR ‧ Tsuen Wan），之前叫做荃灣城市中心（Tsuen Wan City Landmark），係香港新界荃灣嘅一個私人樓同商場，一共分兩期，分別喺眾安街同埋青山公路，由恆基兆業發展。1期同2期商場面積一共有成33萬平方呎，同埋有冷氣通道相連。1期嘅上層係商業大廈，而2期嘅上層就有3幢私人樓，自己有平台花園。商場最大嘅租客係荃灣千色百貨，係荃灣市中心其中一個地標，佢亦係恆基兆業嘅子公司。
1期同2期嘅名唔係跟落成年份嚟排。「荃灣城市中心Ⅱ」先喺1989年喺青山公路側邊起好，而「荃灣城市中心Ⅰ」就喺1996年先至喺眾安街起好。咁係因為恒基兆業刻意將兩期個名掉轉，喺新一期落成之後先至改番兩期個名。其實，2期喺1期落成之前係叫「荃灣城市廣場」，到咗1期發展好之後兩年先至夾埋叫「荃灣城市中心」。不過，因為「荃灣城市中心」嘅稱號已經用咗一段時間，為咗分清楚就叫眾安街嘅商場做「荃灣城市中心Ⅰ」，原本嘅「荃灣城市廣場」就叫做「荃灣城市中心Ⅱ」[1]。