仁濟醫院
仁濟醫院（英文：Yan Chai Hospital），係香港新界荃灣嘅一間民辦地區性質嘅慈善機構兼慈善醫院，除咗提供醫療服務之外，重開辦中學、小學、幼稚園、社區中心同老人院，亦係香港六大慈善機構其中之一。
簡介
[編輯]仁濟醫院嘅名稱係以「仁者存心，痌瘝在抱；濟世利眾，保健為先」兩句嘅首字聯成。1962年初，荃灣商會成立咗「興建『仁濟醫院』籌備委員會」。同一年，仁濟醫院董事局正式運作（喺1967年成立），並由邱德根擔任主席，正式向政府申請撥地同埋起醫院。呢間醫院喺1973年落成，主要為荃灣同鄰近地區市民提供急症同延續護理服務。仁濟醫院而家係九龍西醫院聯網其中一間急症醫院，而呢間醫院嘅耳鼻喉頭頸外科亦係聯網嘅專科轉介中心，呢間醫院亦係香港提供全關節置換手術服務嘅主要醫院之一。
醫院近年更喺唔同專科嘅範疇下成立唔同嘅治療中心，包括錢曼娟健康乳腺中心、曾永裕耳鼻喉日間診療紀念中心、曾永裕頭頸腫瘤微創治療紀念手術室、全關節置換手術中心、內分泌外科診所、包安急性腦血管治療中心、綜合糖尿/內分泌及腎科日間護理服務、周浩源內視鏡中心、蘇陳偉香長者日間醫院，為有需要嘅病人提供服務。此外，醫院設有全科診所提供普通科同家庭醫學專科門診服務，呢間全科診所更係家庭醫學嘅培訓中心。
服務範圍
[編輯]專科同臨床服務
[編輯]- 24小時急症服務
- 內科（包括內科復康、康復、療養服務）
- 外科
- 兒科（兒童及青少年科）
- 耳鼻喉頭頸外科
- 骨科
- 病理學科
- 放射診斷
- 麻醉科
- 深切治療
- 心臟深切治療
- 綜合檢查中心
- 健康乳腺中心
- 內分泌外科診所
- 耳鼻喉日間診療中心
- 全關節置換中心
- 急性腦血管治療中心
- 內視鏡中心
日間及專職醫療服務
[編輯]- 全科診所
- 家庭醫學專科診所
- 專科門診
- 中醫門診（由仁濟醫院董事局提供服務）
- 藥劑服務
- 物理治療
- 職業治療
- 營養治療
- 言語治療
- 聽力診療
- 足病診療
- 義肢及矯形
- 醫務社會服務
- 健康資源中心
- 綜合糖尿/內分泌及腎科日間護理服務
- 兒童及青少年日間診症中心
- 長者日間醫院
弱勢社群節目
[編輯]仁濟心，喺2022年11月26號起，禮拜六晚十點四十五分，翡翠台播出。
慈善機構節目
[編輯]慈善星輝仁濟夜，喺每年一月其中一個禮拜六晚，翡翠台播出。