港島西聯網
港島西聯網（全名港島西醫院聯網，英文：Hong Kong West Cluster）係香港醫院管理局嘅其中一個地區性醫院聯網，負責服務中西區同南區54萬居民，而家總監係李德麗醫生。
醫院同醫療機構
[編輯]- 瑪麗醫院：大型地區性急症醫院，亦係香港大學李嘉誠醫學院嘅教學醫院，提供第三層同第四層嘅先進科技服務，例如肝臟、心肺同骨髓移植。
- 贊育醫院：一間社區家庭健康中心。
- 大口環根德公爵夫人兒童醫院：一間專注喺兒童矯形外科、脊柱外科、兒童發育、兒童腦科同腦科康復嘅第3層專科醫院，為全香港嘅兒科病人服務。
- 葛量洪醫院：成人心肺疾病治療嘅第三層轉介中心，為病患者提供全面嘅內科治療，亦有提供紓緩醫學同急症老人科服務，同時設有護士學校，培訓登記護士。
- 馮堯敬醫院：一間延續護理嘅醫院，提供老人服務，並為內科同矯形科病人提供復康同療養服務；透過社區老人評估小組為區內老人提供外展服務。
- 麥理浩復康院：提供全面復康服務。
- 東華醫院：提供急症、延續護理服務、非住院服務同日間手術服務、日間復康服務、第三層耳鼻喉科、綜合診治乳腺同腎科服務。