東華三院黃大仙醫院
東華三院黃大仙醫院（TWGHs Wong Tai Sin Hospital）係香港東華三院創辦嘅醫院，而家由醫院管理局管理，係九龍中聯網其中一間醫院，地址係九龍黃大仙沙田坳道124號。
簡介
[編輯]東華三院黃大仙醫院喺1965年由東華三院成立，係一間延續護理同胸肺科疾病專科醫院，目的係提供跨科復康訓練計劃，幫助病人重新融入社會。醫院亦設立特殊計劃，照顧有需要嘅病人，例如慢性胸肺疾病、身體殘障同患有複雜老人疾病等。此外，醫院亦提供肺結核治療服務，同時設有睡眠測試室同肺功能暨飛機搭客安全測試中心等；而老人日間醫院就為出院長者提供持續護理和治療，令到佢哋可以喺屋企同社區重拾新生。醫院亦喺2009年2月成立「華永會」紓緩醫療中心，為末期器官衰竭同末期癌症病人提供全面優質醫護服務，令到病人同屋企人喺身、心、社、靈各方面，得到充份嘅關顧。喺華永會同東華三院支持下，醫院亦提供結合西方醫學同傳統中醫藥治療嘅服務畀頤養護理病房嘅末期癌症患者。目標為紓緩病者徵狀，並改善佢哋晚期嘅生活質素。另外，2016年成立嘅香港賽馬會復康醫療中心，透過橫向整合模式，將所有復康設施同醫療儀器集中喺同一樓層，中心亦配備多項先進設備例如懸掛式病人運送系統。
服務範圍
[編輯]專科服務
[編輯]- 胸肺科
- 內科、老人科、外科及骨科之康復護理
- 肺科、老人科、骨科及中風病人之復康治療
- 老人日間醫院
- 紓緩醫療服務（癌症及末期器官衰竭）
- 護養服務
其他
[編輯]- 物理治療
- 職業治療
- 醫務社會工作
- 言語治療
- 足病診療
- 營養部
- 藥劑
- 臨床心理
- 放射診斷