白普理寧養中心

白普理寧養中心（Bradbury Hospice）係香港新界沙田區一間公立紓緩治療專科中心，喺1992年創辦，而家由醫院管理局管理，係新界東聯網其中一間醫院，地址係新界沙田區亞公角亞公角山路17號。

簡介

白普理寧養中心喺1992年由善寧會成立，係香港第一間為末期癌症病人提供專科寧養護理嘅院舍。除咗以治療同護理方式紓緩病人痛楚之外，院舍更喺病房、甚至病人屋企，提供情緒同心靈上嘅支援；同時同其他醫院合作，確保病人得到持續嘅照顧。此外，院舍亦為病人家屬提供全面嘅喪親輔導服務。