青山醫院
青山醫院，花名「青山」，係香港精神科醫院，位於屯門青松觀路15號，而家由醫院管理局管理，係新界西聯網其中一間醫院。青山醫院喺1961年落成，提供法醫精神科、老人精神科服務、兒童及青少年精神科、智障精神科、復康服務、精神科社康服務、屯門酒與藥物依賴組等服務。青山醫院所有病房都係設計用以接收自願同埋非自願入院嘅病人。
簡介
[編輯]青山醫院喺1961年成立，係香港歷史最悠久嘅精神科醫院，為新界居民提供精神科住院服務，並管理多間精神科診所同日間醫院。此外，醫院亦為其他醫院嘅住院病人提供諮詢服務。除咗一般精神科治療之外，醫院並提供多項相關嘅專科服務同復康計劃。青山醫院係現時香港唯一設有精神法醫科嘅醫院，為研究生提供精神科訓練、臨床心理學同職業治療嘅實習訓練，並為精神科護士提供訓練。醫院透過舉辦定期嘅教育活動，加強社區對精神健康嘅認知同了解。
服務範圍
[編輯]專科服務
[編輯]- 成人精神科
- 兒童及青少年精神科
- 法醫精神科
- 老人精神科
- 精神健康社區服務組
其他
[編輯]- 社區工作
- 病人離院預備組
- 物質濫用治療中心
- 臨床心理服務
- 醫務社會工作
- 精神社康護理
- 職業治療
- 酗酒診療所
文化影響
[編輯]香港人成日將「青山」一詞同精神病畫上等號。「入青山」，「青山開放日」呢啲詞都俾香港人攞嚟形容一個人精神有問題[1][2]。
參考
[編輯]- ↑ 黃文俊 (2014-07-24)。〈青山醫院話當年〉。《商報》。喺2017-07-28搵到。
- ↑ 陳綺雯 (2016-12-04)。〈打破刻板印象，走進謎一般的「青山」〉。《端傳媒》。喺2017-07-28搵到。