荷蘭小公銀行

荷蘭小公銀行（荷蘭文：Nederlandsche Handel-Maatschappij，簡寫NHM）係荷蘭舊時嘅殖民地荷屬東印度（今下印尼）一間銀行，係今下荷蘭銀行嘅其中一間前身。當時荷蘭國王都有入股。

歷史

1824年，荷蘭國王威廉一世搞荷蘭小公銀行（當時未係銀行），復興荷屬東印度同荷蘭貿易，總行喺首都菴士（今下阿姆斯特丹）。

1826年，喺荷屬東印度首都八打威（Batavia，今下耶加達）開分行，總寫字樓都喺度。

1858年，喺星加坡開分行，1870年做埋銀行。

1888年，喺庇能（今下檳城）開分行。

1889年，喺香港開分行。

1920年，荷蘭小公銀行喺孟買同架利吉打開分行，主要服務鑽石業務嘅人客。

1926年，荷蘭小公銀行喺沙地阿拉伯吉達開分行，係沙地阿拉伯頭一間同埋1948年之前唯一一間商業銀行。間分行主要服務去麥加朝聖嘅印尼穆斯林。

1941年，荷蘭小公銀行喺紐約市開咗一間代理。

1948年，荷蘭小公銀行喺卡拉奇開分行，係頭一間外國銀行得到巴基斯坦新政府出銀行牌照。

1949年，荷蘭小公銀行收購蘇里南銀行。

1951年，荷蘭小公銀行喺肯尼亞蒙巴薩同埋坦噶尼喀達累斯薩拉姆開分行。

1954年，荷蘭小公銀行喺黎巴嫩貝魯特同埋烏干達坎帕拉開分行。

1960年，印尼政府將荷蘭小公銀行嘅本土業務國有化，成立咗一間新銀行Bank Ekspor Impor Indonesia。

1963年，荷蘭小公銀行喺吉隆坡成立馬來西亞總部。

1964年，荷蘭小公銀行同De Twentsche Bank合併，成立Algemene Bank Nederland（ABN）。