莫斯科號導彈巡洋艦

出自維基百科,自由嘅百科全書
跳去導覽 跳去搵嘢
2009年嘅莫斯科號

莫斯科號俄文Москва),原本叫做光榮號俄文Слава)係俄羅斯海軍隸下嘅1164型巡洋艦首艦,係俄羅斯黑海艦隊旗艦

[編輯]

光榮號係蘇聯「1164計劃」1976年係蘇聯烏克蘭尼古拉耶夫開工建造,1979年係445號船塢下水,1983年服役。光榮號係1990年進行改裝,解體後等到2000年先改裝完新服役,改名做莫斯科號,成為俄軍黑海艦隊嘅旗艦。2016年進行咗為期3年嘅現代化,之後納入俄羅斯海軍嘅永久戰備部隊。

2022年俄羅斯入侵烏克蘭[編輯]

2022年2月,黑海艦隊司令伊戈爾·奧西波夫海軍上將親自檢查莫斯科號導彈巡洋艦嘅防空保護。2022年俄烏戰爭期間,2月24號下晝六點,蛇島受到俄國海軍襲擊,莫斯科號同埋瓦西里·貝科夫號巡邏艦以甲板砲向島嶼開火。當表明身分,要求駐紮島上嘅烏克蘭部隊投降嘅時候,烏克蘭嘅羅曼·格里博夫回應話:「俄羅斯戰艦,屌你」。

4月13號,烏克蘭政府聲稱幾架TB2無人機吸引艦雷達嘅注意,再由海岸嘅砲台發射兩枚海王星反艦導彈,喺奧迪沙對出黑海擊中莫斯科號引發大火。莫斯科號喺4月14號沉咗[1],成為第二次世界大戰結束之後,被打沉嘅最大戰艦。美國國防部官員亦都證實莫斯科號被兩枚烏克蘭嘅反艦導彈擊中[2],而俄羅斯政府就話火災令到舷側彈藥爆炸,4月14號俄羅斯政府宣佈係拖救嘅時候遇到風暴沉咗[3]。不過根據天氣網站數據,嗰日海域天氣甚佳,只有啲微雨。

影響[編輯]

根據福布斯,莫斯科號嘅沉沒令到俄羅斯軍方損失約7.5億美元,係有史以來俄羅斯損失最貴嘅軍備。[4]

烏克蘭郵局發行嘅「向莫斯科號舉中指」郵票,莫斯科號被擊沉前兩日發行

莫斯科號嘅沉沒令俄羅斯軍方失去黑海艦隊嘅旗艦,對俄方嘅士氣做成打擊,加上喺沉沒無耐之前烏克蘭郵局發行嘅「向莫斯科號舉中指」郵票非常受歡迎,令到烏克蘭方嘅士氣因此提升。[5]

參考[編輯]

  1. "烏克蘭「最狡猾攻擊」!無人機先欺敵、飛彈在後 俄艦「莫斯科號」中招 | 蘋果新聞網 | 蘋果日報". 蘋果新聞網 (Chinese (Taiwan)). 2022-04-15. 喺2022-04-17搵到.
  2. "美評估:「莫斯科號」被2枚反艦飛彈擊中 不認為船上有核武 | 蘋果新聞網 | 蘋果日報". 蘋果新聞網 (Chinese (Taiwan)). 2022-04-15. 喺2022-04-17搵到.
  3. "Moskva cruiser sank while being towed in a storm — Russian Defense Ministry". tass.com. 喺2022-04-17搵到.
  4. "Вартість підбитого крейсера «Москва» – $750 млн. Forbes склав рейтинг найдорожчої російської техніки, знищеної на війні — Forbes.ua". forbes.ua (烏克蘭文). 2022-04-14. 喺2022-04-17搵到.
  5. "Russian warship stamp becomes collector's item in Ukraine". France 24 (英文). 2022-04-15. 喺2022-04-17搵到.