菜脯
菜脯（又寫成菜餔、菜甫），舊時興叫蘿蔔膶[1]，係醃製過嘅白蘿蔔乾，做法係將白蘿蔔切粒，用糖、麻油、辣椒去醃。
因為菜脯含有豐富嘅維他命B，同埋好高嘅鐵質，而且鹹、香、脆，所以佢係好多人鍾意嘅嘢，尤其係潮汕、福建一帶同埋香港、東南亞嘅潮汕、福建人。對於潮州人，菜脯、鹹菜、魚露可以話係潮汕三寶。
整嘅方法
[編輯]想整潮汕菜脯，需要用一啲靚嘅新鮮白蘿蔔（潮州人叫佢哋做菜頭），喺好天嘅上晝，將佢哋用水洗乾淨，鋪好，等啲日頭曬佢幾個鐘，間中要翻下佢，等佢哋曬得均勻啲。傍晚，將啲曬過嘅菜頭放係籃裡面，先灑一層鹽，然後一層菜頭，再灑一層鹽，咁樣一層層疊好，裝滿咗之後就封蓋、揾嚿大石壓喺上面。第二日再攞晒出嚟曬過，夜晚再一層菜頭，一層鹽咁將啲曬過嘅菜頭收返落籃嗰度。呢個步驟重複三到四個禮拜，而每日灑嘅鹽逐漸減少，直至啲菜頭變成金黃色，就係菜脯。啲菜脯可以即刻食，亦可以放幾年，等佢變成更有用嘅老菜脯。
菜式
[編輯]- 菜脯煎蛋：潮州人一般叫佢做菜脯蛋
- ↑ 〈蘿蔔潤 - 廣東話解釋 | 粵典〉。《粵典 words.hk》。喺2025-01-11搵到。