華拿士頓

威廉禊華拿士頓像

威廉禊華拿士頓（英文︰William Hyde Wollaston，1766年8月6號—1828年12月22號）係英國化學家、物理學家。

佢喺羅福郡出世。阿爸係牧師，屋企好有錢。佢自細好有家教。1787年，佢21歲就做咗劍橋大學講師，同時攻讀埋藥學博士。1793年博士畢業，繼續喺劍橋大學教書。同時又做埋皇家學會會士。

1800年，佢同另一位化學家史密臣坦歷（Smithson Tennant）一齊製作啲化學產品，發咗達。1802年，喺提純鉑嗰時，順手發現咗鈀。過兩年，又發現埋銠。但係喺1809年，唔小心將鉭、鈳兩種元素當成係同一樣嘢，搞到世人撈亂咗兩隻嘢卅幾年。

1820年，佢做過皇家學會主席。過兩年，獲推舉做美國文理科學院榮譽外籍院士。1828年12月22號死，享年62歲，葬係倫敦東南查佑赫斯（Chislehurst）。

為咗紀念佢喺結晶學、礦物分析學嘅功績，英國人用佢個名稱呼矽灰石（Wollastonite，即係華拿士頓石咁解）。華拿士頓喺物理學各個範疇，例如電學、光學、凝冰器等，都好有貢獻。