菲奧多勒·烏沙哥夫

出自維基百科,自由嘅百科全書
Jump to navigation Jump to search

菲奧多勒·菲奧多羅域治·烏沙哥夫俄文Фёдор Фёдорович Ушако́в1744年1月24號1817年10月14號),係俄羅斯帝國喺18世紀最傑出嘅海軍司令。

喺1768年至1774年嘅俄土戰爭,烏沙哥夫指揮咗耶卡謝蓮娜大帝為自己而建造嘅戰艦,戰後,烏沙哥夫喺地中海負責保護俄國商船,免受英國私掠船嘅襲擊。喺克里米亞半島俾俄羅斯帝國吞併之後,烏沙哥夫親自監督建造塞瓦斯托波爾海軍基地同周赫爾松港口。

喺1787年至1792年嘅俄土戰爭中,烏沙哥夫喺費多尼斯刻赤坦德拉卡里阿克拉贏咗鄂圖曼海軍。喺呢尐戰役,烏沙哥夫成功噉示範咗佢嘅海軍戰術學說:響未進入戰鬥序列嘅情況之下同敵軍議和,集中火力攻擊敵軍嘅旗艦,優化分配炮擊嘅目標,追擊逃散嘅敵軍,俘虜敵軍所有戰艦。

1799年,烏沙哥夫晉陞為海軍上將,俾人派去支援蘇沃洛夫元帥喺意大利嘅戰事。烏沙哥夫從法軍手中攞番希臘七島共和國,又清除咗科孚島同成個伊奧尼亞群島嘅法軍同封鎖咗法軍喺意大利嘅基地。

俄羅斯東正教會將烏沙哥夫封為俄國海軍嘅保護神,又喺2005年封佢做俄羅斯戰略轟炸機嘅保護神。