落霞孤鶩

《落霞孤鶩》（英文：Many Aspects of Love）係喺1961年嘅一部黑白粵語愛情劇情片，由左几執導，張瑛、白燕、夏萍主演。

情節

做教師嘅江秋鶩見到做侍婢嘅落霞被打劫，追截匪徒嗰陣撞親倒住喺婦女留養院嘅馮玉如，秋鶩幫玉如包紮，又畀錢幫落霞，對佢兩個都好有印象。

秋騖原來係一個革命份子，落霞嚮未來姑爺陸伯清度知道警察會去學校捉人，於是冒死通風報訊，秋鶩成功走甩，暫時匿嚮李教授屋企。秋鶩遇翻嚟上堂嘅玉如，兩個人就撻著咗。

落霞被趕去婦女留養院同玉如一齊住，兩人做咗好姐妹，落霞更加救過玉如一命。玉如知道落霞鍾意秋騖之後，決定抽身，重嫁俾第二個，點知佢老公為咗巴結陸伯清，竟然要佢侍候伯清，好彩俾混咗入伯清家做副官嘅秋騖救咗；伯清老婆見伯清好色成性，糾纏之下開槍殺死咗伯清。