董趙洪娉

出自維基百科,自由嘅百科全書
董趙洪娉
出生地江門市 喺Wikidata改呢個
國籍香港 喺Wikidata改呢個
母校聖保羅男女中學 喺Wikidata改呢個
職業政治人 喺Wikidata改呢個
配偶董建華 喺Wikidata改呢個
仔女董立新 喺Wikidata改呢個

董趙洪娉1937年—),廣東新會人。前香港特首董建華嘅夫人。

董趙洪娉嘅阿爸趙卓如建築師,一共有三個太太。趙洪娉係二太太所生。趙洪娉曾經喺聖保羅男女中學讀書,後來去咗英國護理學。趙洪娉廿二歲嗰陣同董建華喺英國訂婚,兩年之後(1961年)結婚。結婚之後佢哋兩個一直住喺外地,直到1969年至返香港。董趙洪娉同董建華有兩個仔同一個女。

係2003年香港沙士期間,董太一路積極幫手抗炎行動,佢不但止冒險巡區,更親自派防炎包俾各位市民。佢除派咗抗炎包之外,仲提啲市民記住一定要洗手,佢嘅金句「洗手,洗手,洗手」再加埋佢全副抗炎裝備,成為咗一時佳話。

董趙洪娉長期幫香港紅十字會義工,宜家係紅十字會會長同總監。係董建華做特首期間,董趙洪娉專門負責搞香港禮賓府(前港督府)嘅慈善宴會;佢喺2005年6月離開禮賓府之前出咗一本關於禮賓府歷史嘅書--《香港禮賓府》。