蓮塘村 (禺北)

蓮塘村（粵拼：lin4 tong4 cyun1）係中國廣東廣州嘅地名，喺黃埔區九龍鎮近九佛同埋楓下地區，115省道嘅36.1～36.6km標記位。村有7.8km²咁大。

名

個村因為村口整咗4個以一字型排開，用嚟養魚嘅大水塘，個樣似蓮藕而改成噉嘅名。

史

宋端宗景炎年間（1276～1278），時四同季四兩老表原先喺重崗村住，後嚟兩者分咗家。嗰時時四帶住一家大細嚟到九佛西邊一帶住，見到環境清淨兼風光秀麗而喺嗰度住。當地啲人有整山塘嚟養鴨同種蓮藕謀生。1920年代初，由於村內匪患猖獗，所以嗰時有人準備鏟走部分塘壩嚟斬腳趾避沙蟲，但俾村入面好多老坑強烈反對，話驚會破壞成個村啲風水。直到1970年代尾，祠堂面前重有好多蓮藕田嘅水塘響度。

2015年，個村被確定為軟弱渙散黨組織。

特色

個村主要居民係陳氏家族。農作物同農產品以水稻、白蘭、龍眼、黃皮為主。人文古蹟有陳氏祠堂、鴻佑家塾、季昌書室等。重有蓮塘公園、白玉蘭公園、玄武山等好多種原生態資源。

連出去