蓮花井

出自維基百科,自由嘅百科全書
跳去導覽 跳去搵嘢

蓮花井粵拼lin4 faa1 zeng2)係喺廣東省廣州市嘅一條街道,南北走向,位置喺越秀區連新路隔離,一頭連著雨帽街。

舊時條街黐著撫署後園。街內舊陣有井據話生有大蓮花,故名。

蓮花井一帶民國時稱作旗下街,皆因呢頭住咗唔少滿清子弟(來自東北入關嘅從龍分子,非正統旗下佬)。滿清陣原先仲有世襲俸祿養著,民國廢咗官俸,唔少人就轉做細生意,或去搞生標(賭博彩票一種),好多去做咗收賣佬,好少人受到新式教育做到狀師、醫生、老師呢啲。呢度雨帽街度住過蔡廷鍇嘅老婆仔,渠間公館黐著霍芝庭公館(宜家係省文史館)。中山大學校長鄒魯就住喺蓮花井中段度,嗰陣時差局都有派人來門口企崗,政府仲拆埋幅牆畀私家車到門口車鄒魯返工。

中日戰前街度有過兩間醫館,街口一間係張子勤醫館(中醫),街尾間係蘇作丹醫館(西醫為主)。

[編輯]