蔡智明

蔡智明（1970年12月1號—1990年12月16號），已故香港單車運動員。

家庭

蔡智明係家中最細，有一個阿哥，一個家姐，生前幫佢老豆做車綑花邊生意。蔡智明祖籍福建，1981年喺鄉下來港，同屋企人住喺觀塘康寧道。

單車生涯

蔡智明喺1986年開始參加單車比賽，1990年得到香港單車精英賽總成績第4名，又代表香港參加喺北京舉行嘅1990年亞洲運動會同環台單車賽，並去到意大利同澳洲受訓練，佢生前係藝興單車隊成員。

意外身亡

1990年12月16號，蔡智明同隊友喺澳門孫逸仙紀念公園參加大豐杯比賽，喺最後一圈嗰時同北京車手龔玉岩發生碰撞，當時佩戴橡膠條安全頭盔嘅蔡智明首先衝落水渠，之後再反彈撞喺佢架單車扶手上面，同龔玉岩齊齊拋出車外，蔡智明跌入花圃，頭部重創，送院時證實死亡，終年20歲。

蔡智明嘅遺體喺山頂醫院解剖驗屍，12月20號送返香港，並喺12月23號舉殯同火化。

據報導佢喺出事之前曾經將襪墊保護雙腿，佢好似知道會喺比賽發生意外咁。