藍玉

出自維基百科,自由嘅百科全書

藍玉(?—1393年)係初名將,安徽定遠人,同胡惟庸係同鄉,亦係常遇春嘅妻弟。洪武十二年秋做永昌侯,同年仲做咗征虜大將軍。二十一年做大將軍、封做涼國公。後來畀明太祖懷疑佢謀反,之後被處決,牽連一萬五千人,史稱「藍玉案」。

生平[編輯]

藍玉早年係常遇春嘅麾下,因為佢「臨戰勇敢,所向多捷」,所以常遇春多次係朱元璋嘅面前稱讚佢,後來佢因為係「管軍鎮撫」積功而擔任「大都督府僉事」。

洪武四年(1371年),藍玉同傅友德進攻四川;洪武五年(1372年)先同大將軍徐達征討北元,之後再同沐英收服吐番。由於佢立咗好多戰功,所以係明洪武十二(1379年)封做永昌侯。

洪武十四年(1381年),藍玉以征南左副將軍嘅身份再同傅友德進攻雲南。洪武廿年(1387年),北元嘅納哈出多次侵犯遼東,朱元璋就封藍玉做右副將軍,封穎國公傅友德做左副將軍,同征虜大將軍馮勝帶廿萬大軍北伐。納哈出因為不敵明軍所以投降。

洪武廿一年(1388年),朱元璋封藍玉做大將軍,率領十五萬兵馬征伐北元後主脫古思帖木兒。同年喺捕魚兒海(今日嘅貝爾湖),砌低北元嘅主力部隊,俘虜咗北元後主次子地保奴同北元嘅皇妃、公主百餘人,七萬七千男女,仲攞理北元嘅寶璽、符敕金牌、金銀印諸物,馬駝牛羊十五萬餘。脫古思帖木兒唯有逃到蒙古舊都和林,北元從此一蹶不振。捷報傳到應天府,朱元璋係大喜之下,原本打算封佢做梁國公,後來因為聽到藍玉曾經逼姦妃的,所以改梁做「涼」,變咗涼國公。但係朱元璋依然讚佢可比作漢朝衛青唐朝李靖

洪武廿四年(1392年)元降將月魯帖木兒喺建昌(今日嘅江西省南城縣)造反,藍玉俘虜月魯帖木兒父子,被封做太子太傅。

但係爵封國公嘅藍玉卻自恃自己立有大功,行為亦都開始暴戾,好多行為都犯咗明朝嘅律法,加上佢係皇帝面前有損人臣之禮,令朱元璋心中對藍玉感到不滿。洪武廿六年(1393年)因為私藏日本武士刀錦衣衛蔣瓛告佢謀反。

佢做太子太傅嗰時曾經預料燕王會謀反。

睇埋[編輯]