藩鎮割據係指唐朝安史之亂之後，地方上一啲將領喺地方割據，無論喺軍事、財政、人事方面，中央都控制唔到。
藩鎮割據係因為唐朝本身地方有個官叫節度使，有軍事大權。而喺安史之亂之後，唐朝為咗安撫一啲安祿山、史思明嘅部下，所以就封佢哋做節度使，鎮守一啲地方。本來唐朝以為可以穩住亂局，鬼唔知班節度使完全唔聽中央話，不時作反。班藩鎮重代代相傳，傳位畀自己嘅子孫。唐朝到滅亡嗰刻，藩鎮都重響度，直到北宋立國先消滅晒。
