蘇里南伊斯蘭教

根據2004年嘅人口調查結果，蘇里南嘅穆斯林人口有66,307人，係蘇里南總人口嘅13.5%。蘇里南係美洲穆斯林人口比重最大嘅國家。

伊斯蘭教組織

蘇里南穆斯林會議係蘇里南最主要嘅穆斯林組織，呢個組織轄下嘅好多穆斯林協會、聯合會同基金會都有同世界穆斯林大會保持聯繫。每年，呢個組織會派十幾個穆斯林去麥加朝聖。

史

蘇里南最早嘅穆斯林係嚟自西非嘅奴隸，而今日蘇里南嘅穆斯林主要係嚟自印度同印尼嘅契約勞工後代。響1873年至1916年間，6000幾個嚟自印嘅穆斯林勞工嚟到蘇里南，佢哋嘅後代係屬於遜尼派嘅哈乃斐教法學派；而印尼裔蘇里南人除咗有少數皈依基督教之外，絕大多數係穆斯林，屬於沙斐儀教法學派。印尼裔定居點都會有清真寺或者禮拜堂，而伊斯蘭信仰或多或少都會出現響佢哋嘅日常生活。

由於蘇里南長期俾歐洲人殖民，殖民政府一直都支持基督教。去到1970年，伊斯蘭教嘅開齋節先被當局承認，重定咗做公共節日。伊斯蘭教一路都無參與政事，直到1988年蘇里南實現民主之後先有印尼裔政黨參與政府組閣。