虛弱妝

虛弱妝係指化粧化到個人自己望落面色唔好、營養不良、虛弱、對眼無神噉嘅樣。

喺中國大陸，曾經有人化個虛弱妝嚟呃人，乘機攞着數。例如係喺飯堂，曾經有人用呢個妝去令嗰度啲職員以為自己身體孱，博佢哋𢳂多啲飯餸畀自己。

不過，化咗「虛弱妝」嘅人個樣同癮君子嘅症狀太過似，搞到俾市民以為佢哋係吸毒嘅，重驚動埋啲差人。