虛擬機 (編程)

  呢篇文講叫虛擬機嘅概念。想搵叫虛擬機嘅軟體嘅話，請睇虛擬機。

虛擬機（英文：virtual machine，VM）喺某啲編程語言，可以指一種為咗 ｢方便｣ 行嗰種語言，而假想出來、喺現實唔存在嘅理想中嘅電腦；佢行嘅機械碼係現實中冇處理器用嘅位元組碼，所以實作嘅時候要靠軟體模擬，而用來模擬嘅軟體基本上係一種直譯器 ，或者可能係一般用映像檔嘅虛擬機軟體，只係佢虛擬嘅機種其實並唔存在。

爾種虛擬機嘅概念可以用來設計 ｢機械碼｣（位元組碼）可以就咁拎去第架機都行到嘅語言，最出名嘅例子包括可以喺是但瀏覽器或者是但電腦行嘅 Java，同用 Java 建立嘅 Android 用嘅 APK 格式。

除咗 Java 之外，歷史上用過爾種虛擬機嘅程式語言仲包括 Smalltalk、UCSD Pascal 、Lua 同 Scheme等等。