虞美人 (漢順帝)

虞美人
出生日	2 century
仔女	劉炳、Liu Sheng
[改維基數據]

虞美人（大約2世紀—179年）係郎中虞詩嘅亞女，漢順帝嘅美人，舞陽長公主劉生同漢沖帝劉炳嘅生母。

《後漢書·卷十下·皇后紀第十下》提到「虞美人者，以良家子年十三選入掖庭，又生女舞陽長公主」，意思係虞美人喺十三歲既時候，虞氏以「良家子」（註：「良家子」一般係指出身良家，即係清白人家，既仔女，漢朝既時候指特定階層，又擁有一定資產，又遵循倫理綱常，而又從事正當職業既人既仔女。）嘅身份選入掖庭（喺長安城嘅漢朝後宮）。

之後，佢生咗個囡叫劉生。永和三年（138年）佢亞女受封做舞陽長公主。漢安二年（143年），虞美人生咗漢順帝嘅獨生仔劉炳。建康元年（144年），漢順帝駕崩，兩歲嘅太子劉炳即位，第二年正月死咗，享年唔夠三周歲（佢既正式諡號係「孝沖皇帝」，史稱「漢沖帝」）。

《後漢書·卷十下·皇后紀第十下》跟住提到「自漢興，母氏莫不尊寵。順帝既未加美人爵號，而沖帝早夭，大將軍梁冀秉政，忌惡佗族，故虞氏抑而不登，但稱『大家』而已」，意思係自從漢朝興盛以嚟，皇帝嘅亞媽從來都無唔受到尊寵嘅，當皇帝登基嘅時候，皇帝嘅亞媽通常都會獲得一個榮譽封號，按理應該會封做太后，不過，虞美人就無要求到，根據《後漢書》既記載，由於大將軍梁冀既揸住實質既朝政，忌恨其他家族，虞美人同埋虞氏氏族驚梁冀會害佢哋，所以避官爵位，只係叫做「大家」（係指望族、卿大夫嘅意思）。

熹平四年（175年），漢靈帝封佢做憲園貴人、漢質帝嘅亞媽陳夫人做勃海孝王妃，所以佢又叫做虞貴人。光和二年（179年），即係佢老公同亞仔死咗之後大約卅年，虞美人死咗。根據《資治通鑑·卷057》所講：「……會順帝虞貴人葬，百官會喪還……」，意思係當時啱啱係漢順帝嘅妃子虞貴人死咗，舉行葬禮嘅時候，文武百官為咗送葬都返嚟京城。