蚊型國家

蚊型國家：西蘭公國

蚊型國家，有時又叫幻想國、示範國家、新國家項目，係任何好似獨立國或者國嘅實體，不過冇乜政府正式承認佢哋。好多時蚊型國家只係紙上談兵（虛擬），存在喺創造者心目中，寫響互聯網上面。蚊型國家唔同分裂或者民族自決運動，一般人認為佢哋只係偏激、玩嘢、懶戲劇性，通常係由一個人或者家族整出嚟同維持落去嘅。

有啲蚊型國家甚至有自己嘅國旗，出自己嘅銀仔、郵票、護照、獎章等等嘅嘢，呢啲嘢用嚟「實現」國家主權，同埋增加佢自己嘅合法性。

所謂「蚊型國家」（micronation）係響1990年代整出嚟形容數以千計、超細、類似獨立國家、響嗰時出現嘅實體。之後有人用嚟形容再早啲，只不過存在過一陣，類似獨立國家嘅物體。最早講到19世紀初期出現呢啲類似國家嘅物體。