蠄蟧

出自維基百科,自由嘅百科全書
(由蜘蛛跳轉過來)
跳去: 定向搵嘢
en:Wikipedia:How to read a taxoboxHow to read a taxobox
蠄蟧
冚唪唥嘅蠄蟧品種
冚唪唥嘅蠄蟧品種
物種分類
動物界
節肢動物門
蛛形綱
蜘蛛目
Clerck,1757年
多樣性
111 families, 40,000 species
Suborders

Mesothelae
Mygalomorphae
Araneomorphae
 See table of families

蠄蟧(廣東地區讀kam4 lou4*2;香港地區讀kam4 lou4),一般人都叫蜘蛛zi1 zyu1),佢係蛛形綱蜘蛛目嘅節肢動物,唔係昆蟲綱無脊椎動物

[編輯]

而家嘅人多數叫蠄蟧做「蜘蛛」。好多都唔識「蠄蟧」呢個詞。因為佢哋返學讀書用書面語,所以見到蠄蟧只識叫「蜘蛛」。佢哋最多都只係因為1950年代有齣港產片《飛天蠄蟧》而聽過呢個詞;但係問佢哋乜嘢係「蠄蟧」,佢哋就未必答得出。「蠄蟧」並唔係漢語詞,而係來自古代嶺南一帶重未漢化之前嘅百越族語言,呢啲語言,同現時嘅呢幾個少數民族嘅語言比較接近。

語言 文字 讀音(國際音標
粵語 蠄蟧 kʰɐm˨˩ lou˨˩
苗語 kab laum sab ka˥ lau˨˩ sa˥
壯語(武鳴音) gyau kʲa:u˨˦
原始壯傣語 構擬音) *kla:u.A 或者 *khla:u.A
留意:苗、壯文字裏面,每一個音節孻尾嗰個字母如果係輔音字母,就係調號,係用來標調嘅,千祈唔好當佢係輔音噉讀出來。壯語第一聲唔加調號,靠孻尾係元音字母來識別。

由呢啲蛛絲螞跡,可以睇到「蠄蟧」呢一個詞,好可能係由古代嶺南嘅土話保存落來,無畀漢語詞取代嘅少數「生還者」,係一塊珍貴嘅「活化石」。

種類[編輯]

蜘蛛都識得結網

全世界大約有 35000 種蠄蟧,但可能唔止呢個數,有科學家認為目前人類只搵到2成嘅蜘蛛。目前已知大隻嘅蜘蛛係食鳥蜘蛛(Theraphosa blondi),有90毫米咁大;而最細嘅係一種寄目蛛科Anapidae),佢係澳洲昆士蘭博物館裏面嘅樣版,長 0.4 厘米。但係佢哋嘅捨命求愛方式都一樣。

中國,現時有大約 2361 種已被記錄到,而香港,暫時佔咗 24 科共 122 種,其中包括近 10 個科學界嘅新種。而目前香港最大型嘅原生蜘蛛品種係大木林蛛

習性[編輯]

一隻澳洲花園球蛛

其中,蠄蟧公同蠄蟧乸個樣就好似吓,凈係喺體色同斑紋嗰度先至可以分出嚟。但係佢哋嘅求愛方式都唔一樣。由於蜘蛛嘅種類比較多,所以佢嘅婚配嘅「習俗」都唔一樣。而生育能力都差咗好遠嘅,有啲蜘蛛一次生幾粒到十幾粒卵,而有啲蜘蛛一次可以生到成千粒卵都有。

大多數嘅蠄蟧都可以整到紡絲出嚟,而嗰啲絲喺蜘蛛嘅肚腩條紡織線分泌出嚟,細隻嘅蠄蟧仔就可以用條遊絲飄到高山頂都有;而定居嘅蠄蟧就用堅韌而有彈性嘅絲嚟做建築居所,喺佢哋經過嘅通道留低咗「蛛絲馬跡」;而大多數蠄蟧用絲都可以整到個大羅網出嚟。

而蠄蟧嘅結網方面就出咗名,由於佢嘅習性唔一樣,所以出現咗好多唔同樣嘅結網。有天幕網、漏斗網、唔規則網、盆網等,其中最靚嘅係好似車輪噉嘅放射極坐標網,好似古代成日講嘅八卦陣噉。

蠄蟧識得食好多昆蟲、蜈蚣馬陸蚯蚓,甚至有時食比佢重大隻幾倍嘅雀仔都有。而田嗰度嘅蠄蟧大多數係食害蟲。佢可以做生物防治入面嘅緊要角色。

而蜘蛛嘅適應能力都好犀利吓,有啲可以適應到46℃嘅高溫,重有啲可以適應到-30℃到-20℃嘅低溫。

同昆蟲嘅比較[編輯]

蜘蛛同昆蟲唔同嘅地方,就係蜘蛛身體只係分頭腹兩部,兼且有八隻;而昆蟲身體就分做頭、胸、腹三部,有六隻腳。所以佢只係似蟲而蜘蛛唔係昆蟲。

大部分蜘蛛都有八隻。其中兩隻用嚟睇嘢,其餘用嚟感

睇埋[編輯]

有關嘅書[編輯]

出面網頁[編輯]

動物[編輯]

詞語解釋[編輯]