蝦膏

蝦膏，又寫做蝦糕，係香港、韓國埋南洋調味料。蝦膏係將蝦仔加鹽，然後磨成醬，再曬乾整成嘅調味料^[1]^[2]。蝦膏需要曬好耐，所以一般只會喺夏天曬蝦膏^[3]。喺曬嘅時候，啲蝦仔發酵，發酵過程會令到啲蝦膏有好濃嘅鮮味。

喺香港，蝦膏用嘅蝦係香港沿海同埋太平洋西岸好容易搵到嘅銀蝦^[1]。因為日頭嘅時候，銀蝦會匿埋喺海床，要到夜晚先至會浮上水面，所以漁民一般都係喺半夜出海，等到喺凌晨啲蝦浮晒面，先至撈佢^[3]。

用法

蝦膏有好多種用法，例如：

準備：將通菜洗乾淨，搣成一段段，唔要太老嘅部分；將紅辣椒切絲；將蝦醬用紹酒、啲啲水開咗佢。

做法：大火起油鑊，爆香薑蓉、蒜蓉，然後落紅辣椒絲同埋蝦醬。落通菜，等啲菜炒冧咗之後，加蠔油同埋糖，兜亂之後上碟。

準備：將豬肉切片，用豉油、鹽、糖、生粉、麻油、胡椒粉、油醃15分鐘到1小時；將蝦醬用紹酒、啲啲水開咗佢。

做法：將醃好嘅豬肉放係碟上面，將開好嘅蝦膏撈落去，上面加薑絲，然後蒸熟。

1 2 尋‧情‧味, 香港老舖記錄冊-。〈大澳海風伴隨蝦醬飄香！百年蝦醬廠鄭祥興：希望能傳承製銀蝦醬料傳統手藝 | 香港老舖記錄冊 - 尋‧情‧味〉。《etnet 經濟通|香港新聞財經資訊和生活平台》 (繁體中文)。喺2025-01-15搵到。
↑ 〈蝦羔和蝦醬 – 大澳旅游网〉 (中國中文)。喺2025-01-15搵到。
1 2 〈香港非物質文化遺產項目〉。《香港非物質文化遺產資料庫》 (繁體中文)。喺2025-01-15搵到。