蝶式

出自維基百科,自由嘅百科全書
Jump to navigation Jump to search
蝶式

蝶式游水方式,亦係游水比賽項目之一,由蛙式發展出來,以海豚腿為基礎,利用腰部力量做出類似海豚尾部嘅打腿動作。

蝶式重點[編輯]

手臂以雙手劃大圈喺頭前至大腿處劃水前進。蝶式基本技術特徵係雙手同時劃水一次、打腿兩次,腰腿作海豚式擺動。雙手一定要同步動作,唔可以有前後或交叉動作,腿部一定要同時一齊打腿,唔可以踢自由式腳或用蛙式腳。

比賽規則[編輯]

蝶式參賽者嘅雙手一定要同時喺水面上前移同喺水面下划水。喺出發同轉身之後,泳手嘅身體一定要保持背脊向上,膊頭成水平,雙腿嘅動作亦要同時進行。規則雖然容許雙腳上下同時擺動,雙腿同雙腳亦唔需要同一水平,但係唔可以用雙腿或雙腳交替打水嘅動作。喺轉身同完成比賽嘅時候,參賽者嘅雙手一定要同時掂池邊(喺水面上或水面下都可以),而且膊頭亦要成水平。出發同轉身之後,參賽者喺浮上水面前,腳部可以一次或多次嘅踢腿,但係雙手只可以一次嘅划水動作。