西方寺

西方寺（英文：Western Monastery）係一間座落喺香港新界荃灣老圍三疊潭嘅佛教道場，由佛教團體香港菩提學會會長永惺法師喺1972年起，背面靠住大帽山，前面對住三疊潭，全寺面積14萬平方呎，時至今日，西方寺已成為區裏面有名嘅寺院。

西方寺而家嘅主持係釋寬運。

建築

西方寺山門嘅對聯係由永惺長老撰句、馮康候寫嘅：「南海泛慈舟梵貝聲聲皈淨土，西方傳內典源流脈脈接靈山」，寺裏面嘅正中位置，有一棟兩層高嘅中國宮殿式建築「大雄寶殿」，下層係「五觀堂」，即係齋堂。前面係「天王殿」，裏面供奉彌勒菩薩同四大天王，兩邊係「鐘、鼓樓」，另外有一座九層高嘅「萬佛寶塔」，塔基嘅設計仿照台灣日月潭嘅慈恩塔，而塔身就參考廣州六榕寺嘅花塔而起，塔裏面嘅七寶鑲嵌壁畫名叫《觀無量壽經圖》，全長70米，由68幅小畫組成，塔裏面最高層藏有兩粒顏色各有深淺嘅佛陀舍利。重有「藏經樓」、「彌勒殿」同「地藏殿」等。

相

入口門樓
大雄寶殿同五觀堂
天王殿
前庭
萬佛寶塔
藏經樓
鼓樓
鐘樓
地藏殿
臥佛
後門

出面網頁