西洋會館

西洋會館（Club Lusitano），又叫西洋會所，係香港一會館，1866年成立。原址喺中環些利街，後尾搬到雪廠街。會所而家重運作緊，只係規模比以前細，以服務餐飲為主。西洋就當時唐人指嘅葡萄牙。入會嘅多數係香港及澳門土生葡人，而家會所仍然堅持入會者要有葡萄牙血統，所以會員人數唔多。佢同英人嘅新公司、德人嘅德國會館、係當時香港三大會館。

《香港雜記》曾提及佢喺些利街。現時雪廠街有西洋會所大廈，會所大樓總共有27層，23樓至27樓屬會所範圍，畀會員活動及使用，其餘都係商業用途樓層，可租出作商務用途。

會所設有三面落地玻璃嘅宴會廳、一間餐廳、一間酒吧、一間會議室、一間圖書館、多用途活動室以及一間桌球室。