西漢南越國木構水閘遺址係中國廣東省廣州市嘅其中一個水利設施遺址，喺越秀區西湖路，廣州百貨大廈、大馬站嘅南邊；大佛古寺嘅西邊，光明廣場嘅-1樓度。佢係2000幾年前嘅南越國嘅水利設施遺址。喺嗰陣時係有防洪、防潮同排水，防禦嘅功能。佢係家陣成個地球入面，發現得規模最大、時間最耐、保存得最好嘅木頭整嘅水閘遺址。佢喺揀材料、地基處理、總體佈置同排洪、閘室穩定處理嘅功能入面，同而家嘅起水閘標準差唔多。喺2006年，呢度已經變咗中國重點文物保護單位。
